बैठक बाहेक नगरपालिका कार्यालयमा प्रधानध्यापक आउन नपाउने

नवलपरासी,२१ साउन
विभिन्न सुधारका अभियान चलाउदै आएको जिल्लाको रामग्राम नगरपालिकाले नगरका सामुदायिक विद्यालयका प्रधानाध्यापकहरुलाई प्रअ बैठक बाहेक नगरकार्यपालिकामा नआउन निर्देशन जारी गरेको छ । नगरपालिका कार्यालयमा विभिन्न काम भनेर आउदा विद्यालयमा बेथिती बढेको ठहर गर्दै नगरपालिकाले सो निर्देशन जारी गरेको हो ।
मदरसा लगायतका सबै सामुदायिक विद्यालयका प्रधानाध्यापकहरुलाई प्रअ बैठक बाहेकका दिन नगरपालिका कार्यालय परिसरमा देखिन नहुने परिपत्र समेत गरिएको नगरपालिकाका मेयर धनपत यादवले जानकारी गराए । शिक्षा शाखालाई प्रअको बैठक बाहेक नगरपारिसरमा देखिनु हुदैन भनेर निर्देशन दिएको उनले बताए । विद्यालयका प्रधानाध्यापकहरु विद्यालयका प्रमुख हुन्,उनले भने,विद्यालय (कार्यालय)मा प्रमुख नै नभए पछि अन्य शिक्षक कर्मचारी पनि मनपरी जथाभागी घुम्ने गरेको देखिए पछि विद्यालयमा नआउन निर्देशन गरिएको हो । शिक्षकलाई कार्यापालिका कार्यालयमा नआउनु भनेको प्रतिबन्ध लगाईएको भने होईन्,उनले थपे,तर कतिपय प्रधानाध्यापक विना काम पनि कार्यालय आउने गरेका छन् । कपितयले कार्यालय जाने बहानामा अन्य काममा हिड्ने गरेका छन् । कतिपयले ब्यतिmगत काममा समेत जाने गरेको भेटिएको थियो । विद्यालयका शिक्षक कर्मचारीले प्रधानाध्यापक नगरपालिका कार्यालय गएको सुनाउने तर नगरपालिका नआएको पनि भेटिएका थिए ।
स–सानो कार्यको बहाना पनि प्रधानाध्यापकले विद्यालय छाड्दा विद्यालयमा बेथिती बढेको पाइएको छ । प्रधानाध्यापकहरु प्रअ बैठक बाहेक नगरपालिका कार्यालयमा जान नपाउने प्रावधान शिक्षा क्षेत्रमा सुधारको सुभारम्भ भएको सरसस्वती माविका प्रधानाध्यापक दयानन्द चौधरीले बताए । यस्तो निर्णय स्वागत योग्य छ, उनले भने, सबै प्रधानाध्यापकले यसको पालना गर्नु पर्छ । प्रधानाध्यापकहरु कार्यालय जाने बाहनामा सरदमुकाम बजार आउने उता विद्यालय लथालिगँ हुने अवस्था साच्चिकै थियो । अब अभिभावक तथा अन्य ब्यतिmले विद्यालयमा जादा प्रधानाध्यापक भेटिनु पर्छ,होईन भने विदामा बसेको हो भने निमित्त चलाउने सहायक प्रधानाध्यापक वा शिक्षक विद्यालय प्रति जवाफदेही हुनेछन् । कार्यालय जाने बहानामा विद्यालयमा कसैलाई निमित्त पनि नदिईने विद्यालयमा पनि जिम्मेवार ब्यतिm नहुने हुदा समस्याहरु आउने गरेको थियो । नगरपालिकाको यस्तो निर्देशनले शिक्षा सुधारमा पक्कै परिवर्तन आउनेमा उनले विश्वास ब्यतm गरे । कतिपय प्रधानाध्यापक कार्यालय जाने बहानामा नातेदार भेट्न जाने,निम्तो खान जाने,अन्य पेशा ब्यवसायका काम गर्ने गरेका थिए । यस्तो निर्देशनले अब प्रधानाध्यापक जिम्मेवार हुने अवस्था आएको देखियो ।
अन्य शिक्षक पनि प्रअ नभएको अवसर छोपी आफ्नो घरको ब्यतिmगत काममा जाने गरेको देखिएको थियो । विद्यालयका प्रमुख नै नभए पछि अन्य शिक्षक कर्मचारी गैरजिम्मेवारी पुर्वक काम गर्ने गरेका छन् । विद्यालयका बालबालिका पनि पठनपाठन कार्य भन्दा मनपरी घुम्ने,भाग्ने अवस्था पनि छ । यसले विद्यालयको गुणस्तरिय शिक्षालाई प्रभावित पार्ने गरेको छ । अहिलेको कक्षा ८ र एसईई परिक्षाको परिणाम हेर्दा लाजमर्दो अवस्था छ । त्यो भएर अहिले विद्यालय सुधारका योजना पनि अगाडी बढाउने उनको भनाई थियो । सरकारी सेवा सुविधा लिएर जनता प्रति वेईमानी गर्न छुट कसैलाई छैन्,उनले भने,कर्मचारी पदाधिकारीले पाउने तलब सुविधा तिनै जनताको करले आउछ । जनता प्रति इमानदार भएर काम गर्नु सबैको दायित्व हो । गर्न सकिदैन भने जिम्मेवारी छाड्न सबैलाई छुट छ । कि काम गर्नु पर्छ,कि स्थान खाली गरिदिनु पर्छ अन्य धेरै बेरोजगार युवा त्यतीकै घुम्दै छन् । उनीहरुले अवसर पाउने छन् ।
शिक्षाको गुणस्तर बढाउनमा प्रधानाध्यापकको ठूलो भुमिका हुन्छ । अब सबै विद्यालयमा समय मिलाएर मेयर उपमेयर आफै पुुग्ने छन् । विद्यालयको समस्या त्यही राख्नका लागि विद्यालयका प्रधानाध्यापकले लिखित रुपमा तयारी गर्नु पर्छ । अतिआवश्यक काम परेमा विद्यालयका कर्मचारी वा अन्य शिक्षकलाई तोकेर पठाउनु पर्छ । प्रकृयाबारे शिक्षा शाखाका कर्मचारीले सिकाउछन, मेयर यादवले भने,विद्यालयका प्रअ कार्यालय धाउनु भन्दा शिक्षा शाखाका कर्मचारी विद्यालयको समस्या हल गर्न विद्यालयमै पुग्ने ब्यवस्था नगरपालिकाले मिलाउछ,तर प्रधानाध्यापकहरुले अ आफ्नो विद्यालयमै बसेर काम गर्नु पर्छ । विद्यालयको सुधारका योजना प्रधानाध्यापकले बनाउनु पर्छ ।
ति सुधारकार्यका लागि कार्ययोजना समेत बनाउनु पर्ने हाम्रो मान्यता छ । आवश्यक रकम र समाग्रि पुर्याउने ब्यवस्था मिलाउने नगरपालिकाको दायित्व हुनेछ । प्रधानाध्यापकले कक्षा शिक्षकलाई कक्षाको योजना बनाउन लगाउनु पर्छ,शिक्षण गर्ने विषयगत शिक्षकहरुले अ आफ्नो पढाउने पाठ योजना पनि बनाउनु पर्छ । पाठ योजना अनुसार पढाई भयो कि भएन,त्यसको प्रगति कक्षा शिक्षकले राख्नु पर्ने,त्यसको लागि चेकलिष्ट बनाउनु पर्ने हुन्छ । कक्षा शिक्षकको कक्षा योजनाको चेक लिष्ट प्रधानाध्यापकले बनाउनु पर्छ र त्यसको अनुगमन र प्रतिवेदन बनाउनु पर्छ । विद्यालयको योजनाको चेकलिष्ट शिक्षा शाखाका कर्मचारीले चेकलिष्ट बनाई अनुगमन र प्रतिवेदन बनाउनु पर्छ । सबै शाखाको अनुगमन,प्रतिवेदन मासिक रुपमा नगरकार्यपालिकामा शाखा प्रमुखहरुले प्रस्तुत गर्नु पर्ने गरि योजना अगाडी सारिएको मेयर यादवले जनाए ।

Leave a Reply

Your email address will not be published. Required fields are marked *