नवलपरासी,१८ मंसिर
भेटेनरी अस्पताल तथा पशु सेवा विज्ञ कार्यालयले जिल्लाका सात वटै स्थानिय तहमा रहेका पशु प्राविधिकहरुसँग अन्तरक्रिया गरेको छ । पशुपालक किसानका समस्या तथा सरकारी स्तरबाट दिदै आएको सेवाबारे स्थानिय तहका पशु पंक्षि विकास शाखाका प्राविधिकहरुलाई अस्पताल परिसरमै डाकेर गोष्ठिको आयोजना गरेको हो ।
जिल्लाका पशुपालक किसानलाई प्रोत्साहित गर्नमा पशु सेवा प्राविधिकहरुको ठूलो योगदान रहेको बताउदै उनीहरुलाई निरन्तर सेवामा लागि रहन कार्यालय प्रमुख श्रवण कुमार चौधरीले बताएका थिए । कुनै पनि मुलुकको मेरुदण्ड अर्थतन्त्र भएको र नेपालमा कृषि र पशुपालन नै नेपालको अर्थतन्त्रको मेरुदण्ड भएको बताउदै सरकारी सेवामा लागेका पशु सेवा प्राविधिकहरु आफ्नो कार्यक्षेत्रमा लगतसिल भएर लाग्न आग्रह गरेका थिए । मानिसको स्वास्थ्य प्रति मानिस सचेत हुन्छन्,आफ्ना औषधी उपचार गराई हाल्छन्,उनले भने,तर पशु पंक्षीहरु मासिन जस्तो आफ्ना समस्या राख्न सक्ने अवस्था हुदैन्,पशुहरुको निरन्तर निगरानी गरेर पशुको समस्या बुझ्ने र पशुपालन तर्फ किसानलाई निरन्तर प्रोत्साहित गर्ने पशु सेवा प्राविधिकहरुको दायित्व रहेको उनले औल्याएका थिए ।
कृषि र पशुपालनको समेत अन्तरसम्बन्ध हुने हुदा अहिले कृषि क्षेत्रमा बढदो यान्त्रिकरणले पशुपालन गर्ने कार्यमा परिवर्तन आएको र पशुपालन गर्न किसान उत्साही हुन छाडेको हुदा उनीहरुलाई पशुपालन तर्फ प्रोत्साहित गर्नका लागि निरन्तर सेवा प्रवाह हुन आवश्यक रहेको कार्यालय प्रमुख चौधरीको भनाई थियो । त्यसैगरि पशुपालन क्षेत्रमा सरकारका संघ,प्रदेश र स्थानिय तिनवटै तह मिलेर सहकार्य गर्नु पर्ने आवश्यकता बताउदै अहिले धेरै जसो स्थानिय तहबाट पशु तथ्याँक(डाटा) माग गर्दा बेलामा नआउने जस्ता समस्या विद्यमान रहेको बताए । स्थानिय तहलाई अहिले पशु सेवा केन्द्रले के गर्न आवश्यक छ ? उनले भने, पशु सेवा केन्द्रलाई स्थानिय तहले के गर्नु पर्छ ? त्यसबारे खुलेर कुरा राख्न समेत उनले आग्रह गरेका थिए ।
