नवलपरासी,३० कार्तिक
जिल्लामा स्थानिय भोजपुरी संस्कृति विरहा मार्फत बौद्ध शिक्षा जागरण गर्ने कार्य उदाहरणिय भएको संघिय सरकारका पुर्व कानुनमन्त्री तथा प्रतिनिधिसभा सदस्य(साँसद) ध्रुव बहादुर प्रधानले बताएका छन् । बुधवार राती सदरमुकाममा भारतिय कलकार सहितको सहभागितामा सुस्ता स्थित अनोमाघाट संरक्षण समितिको आयोजनामा भएको उतm वृहद विरहा साँस्कृतिक कार्यक्रमको शुभारम्भ गर्दै साँसद प्रधानले उतm कुरा बताएका हुन् ।
लुम्बिनी प्रदेशको नवलपरासी,रुपन्देही,कपिलबस्तु जिल्ला तथा प्राचिन कोलिय गणराज्य र शाक्य गणराज्यको बुद्ध भुमि क्षेत्रका स्थानिय जनतालाई बुद्धको शिक्षालाई सांस्कृतिक कार्यक्रम मार्फत जानकारी गराउनु अति नै सराहनिय कार्य भई रहेको बताउदै बुद्धको शिक्षा आजको आवश्यकता रहेको बताएका थिए । बुद्धको शान्ति,करुणाको ज्ञान सबैलाई दिन र बुझाउन आवश्यक छ, उनले भने, बुद्धको शिक्षा विश्वका अन्य देशमा फैलिएको तर यहिँ बुद्ध भुमिकै जनताले बुद्धशिक्षाबाट बन्चित हुन परेको छ । औपचारिक शिक्षामा पनि प्राप्त मात्रामा बुद्धका इतिहास,शिक्षा र ज्ञान,उनको ध्यान अभ्यास सिकाउने अवस्था कमजोर छ । अहिले यो विरहा मार्फत बुद्धको इतिहास र शिक्षालाई प्रचार प्रसारको माध्यम बनाउन सकिने उनको भनाई थियो । जातिय रुपमा पनि विरहा यादव जातीको भएको हुदा विरहाले जातिय संस्कृतिको संरक्षण पनि हुने र सो विरहा मार्फत बुद्धको शिक्षा र ज्ञान जनमानसमा पुर्याउन पनि सक्ने आधार हुन्छ । यसलाई स्थानिय स्तरका सरकारले पनि बुद्धको संस्कृति र शिक्षा मार्फत ज्ञान फैलाउनका निमित्त काम गर्नु पर्ने आवश्यकता उनले औल्याएका थिए ।
भोजपुरी क्षेत्रको विरहा र आल्हा जस्त विरताका गाथा पनि भएको र विरतामा युद्ध हुन्छ,जुन बुद्धले युद्धको समाज र राज्य भन्दा आफ्नो मनभित्र चल्ने युद्धलाई बुद्धको ज्ञानले जितेर विरताको गाथालाई साकार पार्नु पर्ने कुरा औल्याइएको थियो । उतm विरहा टोली भारतका विरहा संघका अध्यक्ष समेत रहेका राजकुमार यादव सहितको टोलीले प्रस्तुत गरेको थियो । बहुजन विचार एकता अभियान सहआयोजक रहेको उतm विरहा कार्यक्रममा समाजमा रहेका अन्धविश्वास,लैगिक असमानता,कर्मकाण्ड,आडम्बरलाई हटाई प्रगतिशिल जागृत गर्ने खालका कथा र गाठाहरु विरहा मार्फत प्रस्तुत गरिएको थियो । भारतका संविधान निर्माता डा.भिमराव अम्बेडकर र बुद्धको शिक्षा जस्ता विषयबस्तुहरु पनि समावेश गरिएको थियो । यो बुद्धभुमिसँग जोडिने शाक्य राजकुमार सिद्धार्थ गौतम बुद्धत्व प्राप्तीका लागि गृहत्याग गरि अनोमाघाटमा पुगेर महाभिनिष्क्रमण लिएका थिए । नेपालको बोधगयाको रुपमा चिनाउनका लागि उतm अनोमाघाट संरक्षण समितिले विभिन्न कार्यक्रम गर्दै आएको थियो । स
ोही कार्यक्रम अन्तरगत विरहा कार्यक्रम सदरमुकाम परासीमा पनि गरिएको संघिय साँसद राष्ट्रियसभाका पुर्व साँसद रामलखन चमारले बताउदै यस्ता कार्यक्रम गाँउ गाँउमा गर्नु पर्ने आवश्यकता औल्याएका थिए । बुद्धको शिक्षा,इतिहास र ज्ञान औपचारिक शिक्षाको माध्यमले दिइएर पुग्दैन्,उनले भने, यहाँका भाषा संस्कृतिलाई नै माध्यम बनाएर बुद्धको शिक्षा घरदैलोमा पुर्याउन सकिन्छ । विश्वब्यापी रुपमा अझै कायम रहेको जातिय,बर्गिय,लिगिँय विभेद बुद्ध शिक्षाले मात्र हटाउन सक्छ । विश्वको असन्तोषले युद्ध हुने तर बुद्धको करुणा,मैत्री,मुदिता उपेक्षा जस्ता चार ब्रम्हविहारले मात्र युद्धलाई शान्तिमा फर्काउन सक्ने भनाई उनको थियो । अनोमाघाट संरक्षण सस्थाका अध्यक्ष सुग्रिम यादवको अध्यक्षतामा भएको उतm कार्यक्रममा जिल्ला स्थित राजनीतिक दल,समाजसेवी अभियन्ताहरु सहित स्थानिय महिलाहरुको सहभागिता रहेको थियो ।
