नवलपरासी,३ बैशाख
जिल्लाको रामग्राम नगरपालिकाले नगरपालिका प्रशासनिक भवनसँग जोडिएको कसिया सामुदायिक बनलाई बन उद्यानको रुपमा विकास गर्नका लागि सामुदायिक बन समुहसँग सहकार्य अगाडी बढाएको छ । नगरपालिका र सामुदायिक बन विच पटक पटक हुने विवादलाई टुगँयाउदै बन समुहको अस्तित्व रहने र बनको हरियाली उपयोग हुने गरि उद्यानको रुपमा विकास गर्न दुबै पक्षले सहकार्य अगाडी बढाएका हुन् ।
सामुदायिक बन र नगरपालिकासँग विगत एक दशक देखी बनको उपयोगबारे विवाद हुदै आएको भए पनि अब सो विवाद सहमति नजिक पुगेको नगरपालिकाका इन्जिनियर सतिस गुप्ताले बताए । अहिले चाडै निकास निस्कने विश्वास लिएका छौ,इन्जिनियर गुप्ताले भने,नगरपालिकाले सिफारिस नगरेसम्म सामुदायिक बनले बन डिभिजन कार्यालयबाट कार्ययोजना हस्तानान्तरण नपाउने अवस्था पनि छ । सामुदायिक बनले विवाद मात्रै झिकिरह्यो भने,सामुदायिक बनलाई पनि बन उपभोग गर्न समस्या हुन्छ । सामुदायिक बनले बैधानिकता प्राप्त गरेका कारण नगरपालिकाले समेत त्यस क्षेत्रलाई अन्य प्रयोजनमा उपयोग गर्न सक्दैन् । यो कुरा बन समुह र नगरपालिका दुबैले बुझेर दुबैको अस्तित्व रहने गरि निकासका लागि पहल भई रहेको उनको भनाई छ ।
नगरपालिकाको प्रशासनिक भवनको दक्षिण तर्फ हुलाकी राजमार्गसँग जोडिएको झण्डै तिन हेक्टर सार्वजनिक जग्गामा स्थानियले २०४२ सालमा वृक्षारोपण गरि २०४८ साल देखी नै वृक्षारोपण सामुदायिक बनको रुपमा प्रयोग गर्दै आएका थिए । तर त्यसलाई बैज्ञानिक रुपमा कार्ययोजना स्वीकृत गराउनका लागि सामुदायिक बनले नगरपालिकासँग सिफारिस माग्दै आएको थियो । नगरपालिकाले पनि ति बन क्षेत्रलाई हटाएर कहिले बसपार्क तर कहिले हाटबजार बनाउने भन्दै सिफारिस दिन मानेको थिएन् । विवाद बढदै गएपछि सामुदायिक बनको बैधानिकताबारे उच्च अदालत बुटवलमा मुद्दा समेत परेको थियो । उच्च अदालतले कसिया सामुदायिक बन क्षेत्रलाई सामुदायिक बनकै रुपमा प्रयोग गर्ने गरि बैधानिकता हुने फैसला गरिदिए पछि नगरपालिकाको हस्ताक्षेप त हट्यो तर कार्ययोजना स्वीकृतिका लागि सिफारिस भने अहिलेसम्म अडकाएरै राखेको छ ।
अहिले नगरपालिका र सामुदायिक बन समुह मिलेर ति क्षेत्रलाई एक बन उद्धानको रुपमा विकास गर्ने र त्यसमा हुने बन पैदावारको उपयोग सामुदायिक बनले नै गर्ने गरि उद्धानको रुपमा विकास गर्नका लागि सामुदायिक बन समुहका सदस्यहरु तयार भएका छन् । उद्धान बनाउनका लागि जैविक विविधता नष्ट नहुने गरि नगरपालिको लगानी गर्नेछ । त्यसको उपयोग उद्धान(पार्क)को रुपमा नगरबासीले गर्न पाउने छन् । दुबै पक्षले लगानी गरि त्यसको उपयोग गर्ने सहमति पछि नगरपालिकाले सामुदायिक बनलाई कार्ययोजना स्वीकृतिका लागि डिभिजन बन कार्यालयलाई सिफारिस गर्नेछ । यसरी नगरपालिका र सामुदायिक बनको सहमति भए पछि प्राकृतिक र जैविक विविधतामा असर नपर्ने गरि उद्धानको रुपमा नगरपालिकाले लगानी गर्ने छ ।
नगरपालिकाले विगत दुई बर्ष पहिला नै उद्धान विकासका लागि बजेट बिनियोजन गरि पाठक कन्ट्रक्सनलाई ठेक्का समेत दिई सकेको छ । तर सहमति हुन नसक्दा काम नभएको इन्जिनियर गुप्ताले बताए । अहिले पुनःनगर प्रमुख धनपत यादवले ति योजनालाई सफल बनाउन पहल थालेका छन् । केही दिनमा सहमति हुने विश्वास ब्यतm गर्दै इन्जिनियर गुप्ताले उद्धान बन्नेमा विश्वास ब्यतm गरेका थिए । यता सामुदायिक बन उपभोतmा समुहका सदस्यहरुको चित्त बुझ्ने गरि नगरपालिकाले सामुदायिक बनलाई उद्धानको रुपमा विकास गर्दै लैजानका लागि काम भई रहेको नगरप्रमुख यादवले जनाएका थिए ।
