नवलपरासी,१ भदौ
जिल्लाको महेशपुर नाकामा आउने भारतिय पर्यटकलाई नेपाल प्रहरीबाट सास्ती खेप्न परेको स्थानियले बताएका छन् । भारतबाट आउने पर्यटकको सवारी साधन आवश्यक प्रवेश सेवा तथा भन्सार गराउन दशगजा देखी ४ सय मिटर उत्तरमा भन्सार अवस्थित हुदा त्यसको मार भारतिय पर्यटकलाई पर्ने गरेको हो ।
भन्सारबाट सवारी सुविधा बनाई वा भन्सार गराई मात्र नेपालको कुनै पनि स्थानमा भारतिय पर्यटक गुम्न जानु पर्ने हो । स्थानिय परिवेश फरक छ, एक स्थानियले भने, नेपालको प्रवेशद्धार देखी भन्सार कार्यालयसम्म चार सय मिटरको दुरी छ । त्यसमा पनि भन्सार भन्दा पहिला नै नेपाल प्रहरीको कार्यालय छ । त्यो भन्दा अगाडी शसस्त्र प्रहरीका जवानहरु बस्ने गर्छन् । भन्सारमा पनि प्रहरीको उपस्थिती हुन्छ । त्यो भन्दा पहिला नै पर्यटकको सवारीसधान चेकजाँच गर्ने कार्य प्रहरीले गर्न थाल्छन् । विभिन्न बहानामा थर्काउदै रकम समेत असुल्ने गरेको उनको भनाई थियो ।
त्यसबारे स्थानियबासीले पटक पटक भन्सार प्रमुख र प्रहरी कार्यालयका प्रमुखलाई जानकारी गराइएको छ । जानकारी गराएको एक दुई दिन केही कम हुन्छ,तत्पश्चात फेरी अवस्था उस्तै हुने गरेको उनको दाबी थियो । उनका अनुसार मोटरसाईकलबाट पनि रु.एक सयसम्म प्रहरीले असुल्ने गरेको गुनासो पर्यटकको हुन्छ । दशगजा देखी भन्सारसम्मको चार मिटर भुमि प्रहरीको असुली धन्दालाई बफर जोन जस्तै बनेको देखिन्छ । त्यती मात्रै होईन्,भन्सार गराए पश्चात पर्यटकलाई नेपालको रुटपरमिटका लागि १४ किलोमिटर परासी बजार आउनु पर्छ,त्यस विचमा पनि प्रहरीले पर्यटकको गाडी चेकजाँच गर्दा रुट परमिट नभएको लगायतका बखेडा झिक्दै रकम असुली गर्ने गरेको आरोप स्थानियले लगाउदै आएका छन् ।
जिल्लाकै महत्वपुर्ण पर्यटकिय स्थल,अनोमाघाट,रामग्राम स्तुप,नन्दनताल लगायतको क्षेत्र यातायात ब्यवस्था सेवा कार्यालय देखी दक्षिण नै रहेको हुदा पर्यटकले पहिला यातायात पुगेर रुट परमिट लिईने कि पर्यटकिय स्थल जाने ? समस्या देखिएको छ । यसबारे आफुले पटक पटक कुरा उठाउदै आएको भए पनि समस्या समाधान नभएको लुम्बिनी प्रदेश साँसद बैजनाथ कलवारले पनि बताए । जबकी लुम्बिनी प्रदेश सरकारको पर्यटन मन्त्रालयले पर्यटकका लागि छुट्टै नम्बर प्लेटको ब्वस्थापन गरि भन्सार र अध्यागमनमा पठाइएको पर्यटन मन्त्रीले बताएका थिए । तर त्यसको कार्यालयन्वन भने भई रहेको छैन् । प्रहरी प्रशासन अहिले पनि पर्यटनमैत्री छैनन् । रामग्राम स्तुपमा आउने पर्यटक लक्षित प्रहरी विट छ,तर प्रहरीले पर्यटकको सुरक्षा भन्दा सडकमा पर्यटकको गाडी र झोलापोका चेकजाँचमा ब्यस्त देखिन्छन् ।
भारतिय पर्यटकलाई सहजकरण भन्दा कसरी अप्ठयारो बनाउने हुदा नेपालमा कसरी पर्यटन फस्टाउन सक्छ ? उनले भने, त्यसका लागि सबै निकाय गम्भिर भएर कार्य गर्नु पर्ने अवस्था देखिएको छ । प्रहरीले सफा मनले ट्रफिक ब्यवस्थापन तथा अपराधीक गतिविधि नियन्त्रण गर्नु पर्ने न की गलत नियत राखेर द्रब्य आर्जन गर्ने भाव राखेर काम गर्नु पर्छ । यसमा सामुदायिक जागरुकताको समेत अवाश्यकता औल्याएका थिए । तर भारतियले चलाउने सवारीसाधनको चलाउदा रफ भएकोले नियमन गर्नका लागि चेकजाँच गर्ने गरिएको प्रहरीले दाबी गर्ने गरेको छ । कुनै प्रहरीले रकम असुल्यो भन्ने माथिल्लो निकायमा गुनासो गर्न सकिन्छ,आवश्यक कारवाही हुन्छ भनि प्रहरी अधिकृतहरुले बताउने गरेका छन् । तर भारतिय पर्यटकहरु गुनासो सुनाउन र झमेला बोक्न तयार नहुने हुदा प्रहरी भन्दा स्थानियसँग गुनासो पोख्ने गरेका छन् ।
