नवलपरासी,२ असार
विगतमा चालक अनुमति पत्र लिन वा नविकरण गराउदा मेडिकल जाँचमा एकाधिकार समस्याको अन्त भएको यातायात ब्यवस्था कार्यालय नवलपरासीले जनाएको छ । यातायात कार्यालयबाट चालक अनुमति पत्र लिदा वा नविकरण गराउदा स्वास्थ्य परिक्षण गर्न सरकारले नै खुल्ला गरेको हुदा जुन सुकै नेपाल मेडिकल काउन्सिलबाट एनएमसि नम्बर प्राप्त गरेका मेडिकल अधिकृतले जाँचेको प्रमाण पेश गर्दा मान्य हुने निर्णय गरेको यातायात ब्यवस्था कार्यालय परासीले जानकारी गराएको हो ।
यातायात कार्यालय नजिकै कुनै सिमित मेडिकल जाँचका लागि चिकित्सक बस्ने र मनलागी रकम असुल गर्ने जस्ता सिण्डिकेट अहिले खारेजको अवस्था रहेको यातायात कार्यालयका प्रमुख मुतिm पाण्डेले बताए । विगतमा मेडिकल जाँचमा सिण्डिकेट थियो,तर अहिले हटेको छ, उनले भने, यसमा भ्रममा नपर्न सेवाग्राहीलाई आग्रह गरेका छन् । यातायात कार्यालय नजिकै मेडिकल जाँच गर्ने चिकित्सक छन्,तर उनले गरेको जाँच मात्रै कार्यालयलाई मान्य हुने भन्ने बाध्यता अहिले छैन् । नेपालको जुनसुकै स्थानबाट जुन सुकै एनएमसि नम्बर पाप्त मेडिकल अधिकृत वा चिकित्सकले निरोगिताको प्रमाणपत्र जारी गरे कार्यालयलाई मान्य हुने उनको भनाई थियो ।
बेला बेलामा बढि रकम लिएको जस्ता पनि विवाद आउने गरेको थियो । त्यही भएर सरकारले नै त्यो अवस्था हटाउन खुल्ला गरिदिइएको छ । यसका लागि सेवाग्राही आफै सचेत हुनु पर्ने उनको भनाई थियो । सरकारको निर्णय धेरैलाई थाहा नहुन पनि सक्छ,उनले भने, कार्यालय परिसरमा समेत सो बारे जानकारी गराउन सुचाना राख्न लगाइएको छ । यसमा यातायात कार्यालयमा लेखापढी गर्ने ब्यवसायिहरुले पनि सेवाग्राहीलाई जानकारी गराउन आग्रह गरेका थिए ।
