नवलपरासी,१६ भदौ
जिल्लाको पृथ्वीचन्द्र अस्पतालमा दिन नपुगि शिशु जन्मिने,श्वास प्रश्वासमा समस्या तथा अन्य केही जटिलता देखिए शिशुलाई राख्नका लागि छुट्टै केयर युनिटको ब्यवस्थापन गरिएको अस्पतालले जनाएको छ । विशेष न्युनेटर केयर युनिट अर्थात एसएनसियु) को ब्यवस्थापन गरि त्यस्ता शिशुको जटिल अवस्थामा उपचार गर्ने कार्य भई रहेको जानकारी अस्पतालले जनाएको हो ।
पाँच वटा छुट्टै बेड राखेर सो केयर युनिट तयार गरिएको अस्पतालका ब्यवस्थापक शुरेन्द्र अधिकारीले जानकारी गराए । विगत भन्दा अहिले अस्पतालमा सेवा सुविधा विस्तार हुदै गएको बताउदै उनले अस्पताल पुर्वाधार ब्यवस्थापनमा सुधार हुदै गएको र पुर्वाधार अनुसारको जनशतिm आपुर्ति लुम्बिनी प्रदेश सरकारले गर्दै गएमा विशेषज्ञ सेवा दिइनमा समस्या नहुने जानकारी गराए । एनआईसिय र आईसियुका उपकरणहरु पनि जडान छन्,उनले भने,तर त्यसका लागि आवश्यक जनशतिm बालरोग विशेषज्ञ अहिले अस्पतालमा नहुदा ति सञ्चालनमा आउन सकेको छैन् ।
अहिले अस्पतालमा सर्जिकल सेवा प्रभावकारी बन्दै गएकोले पनि आईसियु र एनआईसियु सञ्चालनका लागि विशेषज्ञ राख्न आवश्यक देखिएको छ । लुम्बिनी प्रदेश सरकारले बालरोग विशेषज्ञको भर्ना गरेको जानकारीमा आएको तर ति विशेषज्ञ चिकित्सकलाई सरकारले अहिले अस्पतालमा पठाएको छैन् । जति छिटो अस्पतालमा बालरोग विशेषज्ञ पठाउन सक्छ,त्यती बिालरोग विशेषज्ञ पठाउन सक्छ,त्यती नै छिटो यस अस्पतालमा एनआईसियु सेवा सजह ढंगले सञ्चालन हुन सक्ने उनले बताए ।
अस्पतालमा केही महिना पहिला विर अस्पतालबाट सर्जिकल सेवा दिईने दक्ष सर्जन डा.किरन पाण्डे अस्पतालमा आए पछि सर्जिकल सेवा प्रभावकारी बन्दै गएको अस्पतालका अध्यक्ष महेन्द्र प्रसाद गुप्ताले बताए । झण्डै ३० लाखको लगानी गरि अप्रेसन थिएटर ब्यवस्थित भएको छ । सर्जिकल सेवा प्रभावकारी बन्दै गएको छ,उनले भने,त्यसै गरि यदि सरकारले बालरोग विशेषज्ञ चिकित्सक चाडै नै पठाईदिनका लागि पहल भई रहेको छ,पठाईदियो भन्ने प्रसुति सेवा थप प्रभावकारी बन्दै जाने छ । अस्पतालमा एसएनसियु सेवा उपलब्ध छ,त्यसमा दुई तिन राखेर नवजात शिशुको उपचार भई रहेको छ ।
तर विशेषज्ञ अभावमा एनआईसियु सञ्चालन हुन सकिरहेको छैन् । अहिले स्थानिय तहमा पनि विभिन्न स्वास्थ्य चौकीहरुमा बर्थिगँ सेन्टर सञ्चालनमा आउन थालेका छन् । त्यसले गर्दा समान्य प्रसुति सेवा स्वास्थ्यचौकीमै उपलब्ध हुन थालेका छन् । त्यो भएर पनि अहिले अस्पतालमा जटिल समस्या भएका गर्भवतीहरु प्रसुति गराउन आउने गरेका छन् । अस्पतालका तथ्याँक अनुसार विगतमा महिनामा डेढ सयसम्म गर्भवती महिलाहरु प्रसुति गराउन आउने गरेका थिए । अहिले ति संख्या घटेर माहिनामा ९० मा झरेको छ । तर जटिलताको आधारमा अस्पतालमा प्रसुति गराउन आउने गर्भवती महिलाले जन्म दिईने शिशु मध्ये ५ प्रतिसत शिशुलाई एसएनसियुमा राख्नु पर्ने देखिन्छ ।
गत बर्ष कुल १ हजार १ सय ९५ जना गर्भवती महिला प्रसुती सेवा लिन अस्पतालको प्रसुति विभागमा आएका थिए । त्यसमा ४४ वटा शिशुलाई एसएनसियुमा राखेर उपचार गरिएको अस्पतालको तथ्याँकले देखाएका छ । विशेषज्ञ अभावका कारण जटिल प्रकारका गर्भवती र शिशुलाई थप सेवाका लागि रिफर समेत गर्न परेको थियो । ५० सैयाको अस्पतालमा अहिले पनि विशेषज्ञहरुको अभाव नै रहेको अध्यक्ष गुप्ताले बताए । यसका लागि सबै स्थानिय तह तथा प्रदेश र संघिय साँसदले पनि यो अस्पतालमा चिकित्सक ब्यवस्थापनमा लाग्नु पर्ने आग्रह समेत उनले गरेका थिए ।
