नवलपरासी,२९ बैशाख
लुम्बिनी प्रदेश सरकारको पर्यटकिय स्थलको सुचिमा सुचिकृत सरावलको प्राचिन ककरपत्त नगरमा स्थानियले २५६९ बुद्ध जयन्तीको अवसरमा दोश्रो ककरपत्त महोत्सव गरि मनाइएको छ । उतm महोत्सवमा विभिन्न साँस्कृति कार्यक्रम,खेलकुद गर्दै ककरपत्त सहित सरावल गाउपालिका भित्रको प्रमुख चार बौद्ध स्थल समेटिएको कोलीय गणराज्यका ऐतिहासिक नगरीहरु नामक नेपाली र अँग्रेजी दुई भाषामा पुस्तक समेत विमोचन गरिएको हो ।
साता ब्यापी कार्यक्रममा भिच्छुलाई भोजनदान गरि शुरु गरिएको थियो । बुटवलको गंगरनगर र शंकरनगर स्थित बौद्ध विहारबाट आएका ४ जना भिच्छुडी र ६ जना भिच्छु सहित १० बर्गिय भिच्छुसँघलाइ गाउपालिकाद्धारा भोजनदान गरिएको थियो । बुद्ध स्थलको रुपमा चार स्थान रहे पनि अहिले तत्काल ककरपत्त नगरलाई नै केन्द्र बनाई गाउपालिको बुद्धजयन्ती मनाउने योजना बनाएको बताएका थिए । अगामी दिनमा बाकी बौद्ध स्थलहरुमा पनि विभिन्न कार्यक्रम गरि प्रचार प्रसार र प्रवद्र्धन गरिने गाउपालिका अध्यक्ष शुखाडी चौधरीले बताएका थिए । एउटै पालिकामा चार वटा प्राचीन बौद्ध स्थल हुन गौरवको कुरा भएको र यसलाई गाउपालिकाको सम्पदाको रुपमा विकास गर्न गाउपालिका लागि परेको बताएका थिए । यि सबै बौद्ध स्थललाई बुद्ध सर्किटसँग जोडेर विकास गर्नु पर्ने आवश्यकता गाउपालिका पुर्व अध्यक्ष राधेश्याम चौधरीले औल्याएका थिए ।
बुद्धजयन्तीको नेतृत्व लिन स्थानिय कोलवृक्ष तथा पर्यटन विकास सस्थालाई जिम्मेवारीका साथ काम गर्ने सस्थाका सचिव अतेन्द्र चौधरीले बताएका थिए । कोलवृक्ष बगैचा रहेको उतm स्थान केही बर्ष अगाडी मात्रै सो स्थान प्राचिन बौद्धकालिन ककरपत्त नगर रहेको पहिचान गरि औपचारिक रुपमा घोषणा तत्कालिन गाउपािलका अध्यक्ष राधेश्याम चौधरी र प्रमुख प्रशासकिय अधिकृत बुद्धप्रकाश पौडेलको पहलमा बौद्ध अध्येता डा.कौशलेन्द्र बहादुर श्रीवास्तवले गरेका थिए । प्राचिन कोलिय गणराज्य अन्तरगतको प्राचिन ककरपत्त नगर भएको घोषणा गरे पश्चात सो स्थानमा देशी विदेशीको चाँसो बढदै गएको स्थानिय कोलवृक्ष पर्यटन विकास सस्थाका अध्यक्ष नगेन्द्र चौधरीले बताएका थिए ।
यसै गरि रामग्राम नगरपालिकाले कोलिय गणराज्यको राजधानी पण्डितपुर देखी रामग्राम स्तुपसम्म धातु जात्रा गरि बुद्ध जयन्ती मनाएको छ । विगत तिन बर्ष देखी रामग्राम स्तुपमा रहेको बुद्ध धातुको महत्व दर्शाउनका लागि धातु जात्रा मनाउदै आएको नगरप्रमुख धनपत यादवले बताएका थिए । बुद्ध संघमा धातुको ठूलो महत्व रहेको हुदा लुम्बिनीबाट धातु ल्याई धातु जात्रा गर्ने र लुम्बिनी विकास कोषले समेत सहजीकरण गर्दैआएको उनको भनाई थियो । त्यसै गरि यशोधरा उद्धान क्षेत्रमा पनि यशोधरा उत्सव गरि मनाइएको स्थानिय नारद यादवले बताएका थिए ।
