नवलपरासी,१२ मंसिर
भैरहवा —भुमही सडकलाई स्तरोन्नी गर्दै ६(सिक्स) लैनको सडक बनाउने कार्य भए पनि जिल्ला सदरमुकाम परासी स्थित रामखण्डा खोला पुल १ (सिँगल) लैनको मात्र हुदा समस्या देखिएको छ । भारतिय नाकासँग जोडिने बन्दरगाह मार्गको रुपमा रहेको उतm सडक ६ लैन र रामखण्डा खोला पुल एक लैनको मात्र हुदा यातायातमा समस्या देखिन थालेको हो ।
एक लैनको पुल हुदा पटक पटक गाडीले ठोक्किएर पुलको र्यालिगँ भाच्चिने गरेको छ । सडक चौडा हुने तर पुल जस्ताको तस्तै राख्ने हुदा पुलमा ज्यान जाने जोखिम यथावत रहेको नागरिक समाज नवलपरासीका अध्यक्ष राधेश्याम सिँह सैथवारले बताए । यस प्रति सम्बन्धित कार्यालय,आयोजना परियोजनाका प्राविधिकहरुले विचार गर्नु पर्ने हो । हुलाकी राजमार्गको बाईपासको रुपमा बनेको उतm सडकमा तत्कालिन जिविसले आवश्यकता अनुसारको पुलको निर्माण गरिदिएको थियो । पछिल्लो समयमा सो सडक स्तरोन्नती हुदै चार लैनको बन्यो, उनले भने, सडकको स्तरोन्नती भयो,तर पुलको स्तरोन्नती भएन् । अहिले पनि सडकमा सवारीसाधनको चाँप देखेर सडकको स्तरोन्नती गरि ६ लैनके सडक बनाईदै छ,तर पुल पुरानै रहेको छ ।
यसबारे पटक पटक सम्बन्धित निकायको ध्यानाकर्षण पनि गराइएको भए पनि वेवास्ता हुदै आएको प्रति उनले गुनासो गरेका थिए । पुलबाट दर्जनौ पटक सवारीसाधन खोलामा खस्ने गर्दा कैयौको ज्यान गई सकेको छ, नागरिक समाजका अध्यक्ष सैथवारले भने,दर्जनौको अंगभंग भई सकेको छ । रामग्राम ५ (बाईपास) चोक देखी मन्झरियासम्मको सडक स्तरोन्नती गरि ६ लैनको बनाउने कार्यले बजार चिटिक्क बनेको छ । तर पुल भन्ने उस्तै जोखिमपुर्ण ज्यानामारा रहेको छ । सडक स्तरोन्नीका लागि टेण्डर लिएको समिर कन्ट्रक्सनले सम्झौता भएको एक बर्ष भित्रै आधा सडकको काम सम्पन्न गरेसँगै बजार चिटिक्क देखिएको हो । तर पुल प्रति उपेक्षा गरेको देखियो,उनले गुनासो गरे,सडकसँगै पुलको स्तरोन्नती गर्दै लैजानु पर्ने हो ।
अन्य स्थानमा सबै सडकको भाग खन्ने,खोतर्ने तर काम पुरा नगरि अलपत्र बनाउनु भन्दा ठेक्का भएको पुरै लम्बाईको सडकको स्तरोन्नतीका कार्यको आधा भाग पुरै सम्पन्न गरि सडक चलायमान बनाइएको थियो । अहिलेको ठेकेदारले गरेको काम गराई ठिक लाग्यो, स्थानिय शिवनारायण यादवले भने, स्तरोन्नतीको नाममा पुरै सडक विगार्नु भन्दा थोरै थोरै भाग एक तिरबाट पुरा गर्दै जानु उदाहरणिय काम भएको देखिएको छ । उनका अनुसार योजना बाईपास चोक देखी मन्झरियासम्मको भए पनि अहिले बाईपास देखी रावणखण्डा पुलसम्मको सडक बनाई सम्पन्न गरिएको छ । बाकी आधा रामखण्डा खोला देखी मन्झरियाको भाग शुरु भएको छैन् । पुलको काम पनि बाकी नै रहेको छ, उनले थपे,तर जे जति काम भए पनि सम्पन्न भएका छन् । हुलाकी जस्तो अधुरो छैन ् ।
भुमही–सुनौली बन्दरगाह मार्ग अन्तरगत मन्झरिया देखी परासीको रामग्राम चोकसम्मको सडक स्तरोन्नती गरि ६ लैन बन्ने भए पछि यस क्षेत्रका ब्यवसायि उत्साही थिए । रामग्राम नगरपालिकाका नगरप्रमुख(मेयर) धनपत यादवको पहलमा परासी बजारलाई सौन्दरीकरण अभियानसँगै ब्यवस्थित गर्ने गरि विभिन्न कार्यक्रम सञ्चालन गर्दै आएका छन् । सोही क्रममा सडक डिभिजन कार्यालयले बाजर भित्रै पर्ने सो मार्गको पनि स्तरोन्नतीका लागि बजेट विनियोजन गरेको काम बेलामै सम्पन्न हुने निर्माण कम्पनीले जानकारी गराएको थिए । बजेट अभावले अहिले आधा सडक बनाउन बाकी छ, उनले थपे,त्यसका लागि पनि पहल भई रहेको छ । तर बनेको जति पुर्ण काम भएको छ । सडकमा आवत जावतलाई कुनै अवरोध भएको छैनर । थोरै भए पनि काम सम्पन्न हुदा बजारको सौन्दर्यीकरण भएको छ । सडक चिटिक्क देखिएको छ ।
अहिले सडकको स्तरोन्नतीसँगै ढल निकास समेत बन्ने छ । सडक र ढलनिर्माण पछि जलनिकास समेत हुने भएकोले यस क्षेत्रका बासिन्दा उत्साही छन् । ६ लैनको सडक,ढल,फुटपाथ,र्यालिगँ सहितको ११ सय मिटर सडक निर्माण भएको छ । सडकको बिचबाट ५०÷५० फिट गरि कुल १०० फिट चौडाईमा सबै ब्यवस्थित हुने गरि अयोजनाले काम गर्दै छ । १० करोडको लागतमा ति सडक,ढलको पुर्वाधार बन्ने भए पनि पुरा बजेट नआउदा आधा काम मात्रै भएको छ । सडकको ठेक्का समिर कन्ट्रक्सनले लिएको र २३ प्रतिसत घटेर ठेक्का भएको थियो । बचेको उतm रकम पनि यसै क्षेत्रमा लगानी हुने भएकोले थप काम पनि भएका छन् । सडकसँगै तत्कालिन जिविसले निर्माण गरेको रामखण्डा खोलाको पुल भत्काएर पुनःनिर्माणका लागि छुट्टै ५ करोडको लागतमा बन्ने योजना थियो । तर अहिलेसम्म पुलको काम भन्ने शुरु हुन सकेको छैन् ।
त्यसका लागि टेण्डर प्रकृयामा लैजान पहल भई रहेको मेयर यादवले बर्ष दिन पहिला नै बताएका थिए । छिट्टै पुलको टेण्डर प्रकृया सकाएर पुलको पनि संगै काम हुनेमा आफु विश्वस्त रहेको उनले सुनाएका थिए,तर अहिले पुल निर्माणबारे अवस्था अज्ञान नै रहेको छ । बन्दरगाह मार्गको भाग भए पनि यहिँबाट महेशपुर सिमानाका,रामग्राम स्तुपा,त्रिवेणीधाम,अनोमाघाट धाम जाने सडकको भाग पनि यहि हो । सडक स्तरोन्नतीले घोडपाली,ड्राईभरटोल, जितपुरको सुन्दरटोल अन्तरगतको बस्तिको पनि जल निकास यसै सडकमा जोडिने भएको हुदा त्यसको पनि पानीको निकास यसै ढलमा जोडिने छ । ढल निकासको उचित ब्यवस्थापन गर्न सकिए मात्र बजार सुन्दर देखिने मान्यतालाई आधार बनाएर आफुले पहिलो प्राथमिकतामा राखेर सडक डिभिजनसँग पहल गरेको बताए ।
