धार्मिक एकता सम्मेलन सम्बोधन गर्न भदौ २९ गते उपराष्ट्रपति नवलपरासी आउदै

नवलपरासी,२७ भदौ
जिल्लामा भदौ २९ गते हुन गई रहेको धार्मिक एकता सम्मेलनलाई सम्बोधन गर्न उपराष्ट्रपति रामसहाय प्रसाद यादव आउने भएका छन् । ओल्मा काउन्सिल नेपालको आयोजनामा हुन गईरहेको इस्लाम धर्मका प्रवर्तक पैगम्बर मोहम्मदको १४९९ औ जयन्तीको अवसरमा धार्मिक राष्ट्रिय एकता सम्मेलनलाई सम्बोधन गर्न आउने भएको उपराष्ट्रपतिको कार्यालयले पत्राचार गरेको हो ।
ओल्मा काउन्सिल नेपालको आमन्त्रणमा उपराष्ट्रपति आउने काउन्सिलका राष्ट्रिय अध्यक्ष सैयद गुलाम हुसैन मजहरीले जानकारी गराए । उनका अनुसार उपराष्ट्रपतिको सचिवालयले सम्मेलनको सुरक्षा ब्यवस्थाका लागि विहिवार नै आईपुगेको छ । सम्मेलनको तयारी भब्य रुपमा भईरहेको उनको भनाई थियो । उतm सम्मेलनमा हिन्दु धर्मको तर्फबाट गजेन्द्रमोक्ष धामका धर्मगुरु कृष्ण प्रपन्नाचार्य,इस्लाम धर्म गुरु मुफ्ती महबुब आलम,बौद्ध धर्मगुरु लुम्बिनीको राजकिय बौद्धविहारका भन्ते सागर धम्म र इसाई धर्मगुरु रेमरेन्ट पास्टर सुनम दर्लामी मगरले सम्बोधन गर्ने कार्यक्रम रहेको छ । देशमा अमन शान्ति,धार्मिक सहिष्णुता,धर्म विच आपसी सदभाव र नेपाली राष्ट्रिय एकता कायम राख्नका लागि सो एकता सम्मेलनको उदेश्य रहेको छ ।