कुपोषण न्युनिकरणका लागि लुम्बिनी प्रदेशमा अनुसंधान हुदै

नवलपरासी,१५ बैशाख
लुम्बिनी प्रदेशमा पोषणयुतm खाद्य जन्य औषधी(एमएमएस) खुवाउनका लागि अनुसंधान गरिने भएको छ । महिला तथा बालबालिकामा सुक्ष्म पोषण तत्वको अभावले कुपोषण जस्ता समस्या देखिन थाले पछि नेपालको लुम्बिनी प्रदेशमा बहुमुखी शुक्ष्मपोषण पोषणयुतm औषधी खुवाउनका लागि अनुसंधान हुने भएको ।
अनुसंधानका लागि राष्ट्रिय स्तरको सरोकारवाला र लुम्बिनी प्रदेश स्तरको सरोकारवालासँग अभिमुखीकरण भई सकेको छ । लुम्बिनी प्रदेशको विभिन्न १ सय २० वटा वार्डका स्वास्थ्य सँस्था छनौट गरि गर्भवती महिलालाई खुवाउदै दुई बर्षसम्म त्यसको अनुसंधान गरिने जानकारी नवलपरासीमा भएको एक कार्यक्रममा जानकारी गराइएको थियो । जिल्ला समन्वय प्रमुख भगौती प्रसाद यादवको अध्यक्षतामा जिल्ला स्थित सरोकारवालासँग भएको अभिमुखीकरणमा सो जानकारी गराइएको थियो । नवलपरासीमा पनि सुस्ता गाउपालिकाको पकलिहवा स्वास्थ्य चौकी र प्रतापपुर गाउपालिकाको जगर्नाथपुर प्राथमिक स्वास्थ्य केन्द्रको क्षेत्र भित्र परेका गर्भवती महिलालाई ति पोषण खुवाउदै सुक्ष्म अन्ययन र अनुसंधान गरिन्छ । हेलेन किलर इन्टरनेसनल नेपाल नामक संस्थाले सरकारसँग मिलेर सो अनुसंधान गर्ने छ । मल्टिभिटामिनको रुपमा रहेको उतm पोषणयुतm औषधी गर्भवती महिलाले पहिलो जाँच देखी खान शुरु गर्नेछन् । सुत्केरी पछि पनि सो औषधी खुवाउने निरन्तरता दिईने छ । सो भिटामिन खानेले महिला तथा शिशुमा कुपोषणको अवस्था थाहा पाए पछि त्यसलाई विस्तार गरिने जानकारी गराइएको थियो ।
नवलपरासीमा अहिले पनि ७ प्रतिसत बालबालिकामा कुपोषण देखिएको एक अध्ययनले देखाएको छ । नेपाल सरकारले निरन्तर आईरन चक्कि,खोप,खाद्य सम्बन्धि सचेतना जनाउदै आएको भए पनि बालबालिकामा कुपोषणको अवस्था रहने गर्दा त्यसका लागि पनि भिटामिन प्रभावकारी हुन सक्ने सरोकारवालाले बताएका थिए । नवलपरासीमा हालै गरिएको एक अध्ययनले ११ हजार ७ सय ९७ जना बालबालिकाको लेखाजोखा गर्दा १० हजार ९ सय ९७ समान्य अवस्था रहेको पाइएको थियो । त्यसै गरि ७ सय ८३ जना समान्य कुपोषणमा परेको र ३५ जना कडा कुपोषण देखिएको छ । त्यसमा प्रतापुर र सुस्तामा बढि कुपोषित अवस्था देखिएको छ । सुस्तामा ३ हजार १ सय ९८ जना बालबालिकाको लेखाजोखा गर्दा २ सय २२ जनामा समान्य कुपोषण र १६ जना कडा कुपोषण देखिएको थियो । २ हजार ९ सय ६० जना समान्य अवस्थाका बालबालिका थिए ।
त्यसै गरि प्रतापपुरमा पनि ३ हजार ५३ जना बालबालिकाको लेखाजोखा गर्दा १ सय ४३ जना समान्य कुपोषण र १० जना कडा कुपोषणमा परेको देखिएको थियो । त्यसैगरि पाल्हीनन्दन गाउपालिकामा कुल २ हजार ७ सय ९१ मा २ सय ७८ जना समान्य कुपोषण र ६ जना कडा कुपोषण देखिएको थियो । त्यसैगरि सरावल गाउपालिकामा कुल २ हजार ६ सय १२ जना बालबालिकाको लेखाजोखा भएकोमा १ सय ४० जना समान्य कुपोषण र ३ जनामा कडा कुपोषण देखिएको थियो । सो लेखाजोखा जिवन रुपान्तरण परियोजनाले गरेको थियो ।