नवलपरासी,२५ पुस
पटक पटक भारतिय पक्षको अतिक्रमणको चपेटामा पर्ने गरेको नेपाली सुस्ता भुमिमा सुस्ता शहिद पार्क बन्ने भएको छ । सुस्ता गाउपालिका वार्ड नं.५ स्थित नारायणी नदी पारी रहेको सुस्ता भुमिमा केन्द्रिय कार्यक्रम अनुसार नै शहरी तथा भवन कार्यालय मार्फत सो शहिद पार्क बन्न लागेको हो ।
करिब पाँच करोडको लागतमा सुस्तामा शहिद पार्क बन्न लागेको सुस्ता गाउपालिकाका प्रमुख प्रशासकिय अधिकृत बुद्ध प्रकाश पौडेलले जानकारी गराए । त्यसका लागि सुस्ता स्थित प्रहरी कार्यालय परिसर भित्रकै जग्गा प्रयोग गरिने छ,उनले भने,त्यसको लगानी केन्द्रिय स्तरकै हो । गाउपालिकाले सहजीकरण मात्र गर्दै आएको छ । सुस्ता भुमि बचाउनका लागि बेला बेलामा स्थानियले आन्दोलन गर्दा दर्जन ब्यतिmले ज्यान गुमाई सकेका छन् । एक जनाको काठमाडौँमै आन्दोलन गर्दा ज्यान गएको थियो, सोही क्षेत्रका लुम्बिनी प्रदेश साँसद तथा संविधानसभा सदस्य समेत रहेका देवकरण कलवारले बताए । सुस्ता भुमि बचाउनमा सहादत भएका नेपाली नागरिकको सम्झनामा सुस्ता भुमिमा सहिद पार्क बनाउने खुशीको कुरा भएको उनले बताए ।
आफु संविधानसभा सदस्य हुदा सुस्ता भुमिका लागि सहिद भएका नागरिकको सम्झनामा सहित पार्क,सहिद परिवारका लागि रोजगारी,सुस्ता बचाउनका लागि नारायणी नदीमा तटबन्ध र नारायणी नदी पारी रहेको सुस्ता भुमिमा जान डुगाँको निर्भरता हटाउन झुलगेँपुलका लागि निरन्तर पहल गर्दै आएको प्रदेश साँसद कलवारले बताए । आफु संविधानसभा सदस्य हुदा नै तटबन्धनका कार्य भयो,त्यसले सुस्ता भुमि कटानलाई रोकेको छ । झोलुगेँपुलको शिलान्यास भई अहिले काम भईरहेको र ढिलो चाडो सम्पन्न हुने नै छ । त्यसै गरि सहिद नागरिकको सम्झनामा सहिद पार्क बनाउने योजना अहिले आएर शहरी तथा भवन कार्यालयले शुभारम्भ गरेको छ । सहादत भएका नेपाली नागरिकको त्यहा सालिक बनाएर सम्झनाका लागि राखिन्छ । सुस्तामा पुग्ने अन्य नेपाली दाजुभाईलाई रात्रीबासका लागि आश्रय स्थल पनि सोही पार्कमा बन्ने छ । सो आश्रय स्थल सुस्ता पुग्ने पर्यटक मात्रैलाई नभई बाढीको बेला सुस्ताबासीलाई पनि आश्रय लिनमा सहयोग मिल्ने उनको भनाई थियो ।
बर्षाै देखीको संघर्ष अहिले विस्तारै पुरा हुने क्रममा रहेको बताउदै उनले सुस्ताबासीलाई रोजगारी पनि प्रमुख विषय हो । त्यहा आधारभुत विद्यालय मात्र भएको हुदा माध्यमिक तहको विद्यालय र प्रसुति सुस्ताभुमीमै गराउने गरि प्रसुति केन्द्र सहितको स्वास्थ्य चौकी आवश्यक देखिएको उनले बताए । त्यसका लागि आफु अब लुम्बिनी प्रदेश सरकारबाटै पहल गरिने उनको भनाई थियो । भारतले सुस्ताका झण्डै १४ हजार हेक्टर भुमि अतिक्रमण गरि सकेको छ । सुस्तामा विकास गर्न पनि चुनौतीपुर्ण रहेकोबताउदै प्रदेश साँसद कलवारले सुस्तालाई पहिलो प्राथमिकतामा राखेर सुस्ता गाउपालिकाले पनि काम गर्नु पर्छ ।
उज्यालो सुस्ता कार्यक्रमले सौर्य बत्ति त सुस्तामा बलेको छ, प्रमुख प्रशासकिय अधिकृत पौडेलले भने,तर मेसिनरी उपयोगका लागि सौर्यबत्तिले मात्र सम्भव नेखिएको छैन् । विद्युतीकरणकै लागि यस क्षेत्रका साँसदले पहल गर्नु पर्ने देखिएको छ । शहरी तथा भवन कार्यालयले पार्कका लागि जुन पाँच करोड बजेट विनियोजन गरि काम गर्नका लागि ठेक्का समेत गरि सकेको कुरा सुनेर सुस्ताबासी उत्साही भएको उनको भनाई थियो । अब सुस्तामा विद्युत,खानेपानी,स्वास्थ्यचौकी,माध्यमिक तहको विद्यालयहरु थपिनेमा आशाबादी पनि छन् । नेपालकै सबै भन्दा लामो झोलुगेँपुल निर्माण पश्चात सुस्ताको जिवन सहज बन्दै जाने समेत अधिकृत पौडेलले बताए । सुस्तामा थारु टोल,पहाडीटोल,दलित टोल गरि साढे तिन सय घरधुरी बसोबास गर्दै आएका छन् । ति मध्य धेरैलाई नागरिकता समस्या पनि छ । भुमिको लाजपुर्जा समेत पाएका छैनन् । भारतिय पक्षसँग पटक पटक संघर्ष गर्ने हुदा भारतिय प्रहरीले विभिन्न अपराध लगाएर फसाउन खोज्ने केही सुस्ताबासीको दुईवटा झदमभेषी नाम पनि छ । एउटै ब्यतिm दुई नाम अधिकाँस सुस्ताबासीको हुने गरेको छ ।
