नवलपरासी,१६ कातिक
जिल्लाको महेशपुर नाका जोड्ने महेशपुर—परासी—सुनवल सडक स्तरोन्नती गर्ने निर्माण कार्यको दोश्रो पटक म्याद थपाए पनि काममा ढिलाई गर्दा स्थानियलाई सास्ती ब्यहोर्न परेको छ । गत असार मसान्तसम्म सम्पन्न गर्ने गरि पहिले म्याद थप गराएको ठेकेदारले काममा ढिलाई गर्दा तेश्रो पटक मंसिर महिनासम्म म्याद थप गराएको तर अहिले पनि काम नगर्दा सडक धुलाम्य र हिलाम्य हुदा स्थानियले सास्ती ब्यहोर्न परेको बताएका हुन् ।
सधै काममा ढिलाई गर्ने ठेकेदारलाई म्याद थप्दा पनि थपिएको म्याद भित्रमा पनि काम सम्पन्न हुनेमा स्थानियले आशंका गरेका थिए । आखिरमा अहिले त्यही देखिएको स्थानियले गुनासो गरेका थिए । शुरुको सम्झौतमा निर्माण कम्पनीले म्याद सकिदा सम्म २० प्रतिसत काम गरेन् । पछि पहिलो पटक म्याद थप भयो,स्थानिय जितेन्द्र गुप्ताले भने, त्यस पछि पनि काम ढिलो नै भई रह्यो । अहिले दोश्रो पटक म्याद थप्दा पनि ५० प्रतिसत पनि काम हुन सकेन,साउनमा तेश्रो पटक म्याद थप भएको सुनिएको थियो, तेश्रो पटकको म्याद पनि सकिन ढेड महिना बाकी छ । म्याद थपाउदै काम लम्याउदै जादा स्थानियले धुलो हिलोमा हिड्न बाध्य भएको उनको भनाई थियो ।
सरकारी वेवास्ता र ठेकेदारको लापर्वाहीले उतm सडक निर्माणले गति नलिदा सडक वरिपरिका बजार ब्यवसायलाई समेत असर पार्दा स्थानिय मर्कामा पर्ने गरेको गुनासो स्थानियबासीले गरेका छन् । म्याद थपाउदा मुल्यवृद्धि दाबी गर्न पाईदो रहेछ,उनले भने,त्यसै लोभले पनि ठेकेदार र सरकारी इन्जिनियरहरुको म्याद थपाउने लाभाँस बाड्ने खेल हुने गरेको छ । तर सरकारी कर्मचारी र ठेकेदारलाई मालमाल जनतालाई हैरानी ब्यहोर्न परेको उनको भनाई थियो ।
महेशपुर मुल भन्सार नाकालाई सदरमुकाम परासी हुदै पुर्वपश्चिम राजमार्ग जोड्ने उतm सडकको पहिलो खण्ड निर्माणमा ढिलाई भई रहदा पुरै सडक बन्न दशक लाग्ने आकलन स्थानियको थियो । सरकारले ठेक्का लगाउने तर बजेट बिनियोजन नगरिदिईने गरेको जनाउदै ठेकेदारले काममा ढिलाई गर्ने गरेका छन् । सरकारले वास्तविकता के हो ? त्यसको उत्तर दिन सकिरहेको छैन् । सडक स्तरोन्नतीको सपना देखाउने तर काम गर्न नसक्ने सरकारी क्षमता माथि नै अब प्रश्न उठ्न थालेको छ । महेशपुर भन्सारलार्इै मुल भन्सार बनाउने र सोही अनुसारको सडकको स्तरोन्नती गर्ने लक्ष्य अनुसार योजना सरकारले लिएको थियो । बजेट अभाव र ठेकेदारको बदमासीले अहिले स्थानिय जनतालाई हैरानी र सास्ती ब्यहोर्न परेको उनको भनाई थियो ।
सडकको दुबै किनारमा निर्माण कम्पनीले नाला मात्र निर्माण गर्न सकेको छ । सडकमा ग्राभेल(सबबेस) हाले पनि वरिपरि खाल्टा खुल्टी परेका छन् । वरिपरीका घर र ब्यपार ब्यवसायलाई प्रभावित बनाई रहेको छ । ब्यपार त पुरै चौपट भएको बताउदै गुप्ताले भने, निर्माण कार्य गर्ने निर्माण ब्यवसायी सम्पर्कमा हुदैनन्,जनताले कस्लाई गुनासो गर्ने ? सरकारी प्राविधिकको त नाक मुख हेर्न पाईदैन् । सडकको अवस्था विगत भन्दा दयनिय बन्दै गएको छ । बरु सडक स्तरोन्नतीको ठेक्का नहुदा बर्षेनी सडक मर्मत हुदै आएको थियो, त्यसले गर्दा खाल्टा खुल्टी पुरिदै जान्थ्यो । तर अहिले ठेक्कामा परेको हुदा त्यो सडकको मर्मत समेत रोकिएको छ । निर्माण ढिलाई भई रहेको छ । भन्सार राजस्वमा सडक पनि एउटा कारक बनेको दाबी उनको थियो । कलभर्टहरु बन्दा पानी जम्ने र डुबान जस्ता पनि समस्या यथावत छन् । सडकको किनारमा अहिले जहाँ तही ढुगाँ,गिट्टि,बालुवा,माटोहरु थुपारिएका छन् ।
ठेकेदारको लापर्वाही हो भन्ने ठेकेदारलाई काम गर्न लगाउनु पर्छ, बजेट नछुट्टयाइएको हो भने बजेट छुट्टयाउनु पर्छ । सडकको विचमा स्टोन लगाउनु पर्नेमा ठेकेदारले सिधै ढलान गर्दै आएको छ । यसमा के कस्ता डिजाईन र स्टिमेट छन् ? त्यसको जानकारी कहाँबाट पाउने समेत जानकारी नरखिएको हुदा सडकमा ठेकेदारको मदमासी र प्राविधिकको बेईमानी कायमै रहेको उनको भनाई थियो । नेपाल सरकारको भौतिक पुर्वाधार तथा यातायात विभाग को सडक डिभिजन कार्यालय बुटवलले सो सडकको महेपुर बजार देखी हरपुर बजारसम्मको खण्डलाई २१ करोड ११ लाख ३८ हजार ६ सय ६६ भ्याट सहितको रकममा ठेक्का लगाएको थियो ।
उतm ठेक्काको काम गौरीशंकर हिमालयन निर्माण प्रालिले २०८० साल बैशाख २६ गते सम्झौता गरि २०८१ असोज २६ गते भित्र सम्पन्न गर्ने गरि सम्झौता गरेको थियो । त्यस पछि २०८२ असार मासन्तसम्मको दोश्रो म्याद थप्यो । अहिले २०८२ मंसिरसम्मको म्याद थपेको छ । तर अहिले सडकका थुप्रै काम पनि पुर्ण भएका छैनन् । सडक निर्माण ढिलाईले दर्जनौ पसल विस्थापित समेत बनेका छन् । दर्जन घरहरु सडक फराकिलो हुन्छ,भनेर घर भत्काएका छन् । तर सडक नबन्दा घर त भत्कियो,भत्कियो,बचेका घरमा पस्नका लागि बाटो समेत अवरुद्ध भएका छन् ।
