पृथ्वीचन्द्र अस्पतालमा शैक्षणिक कार्यका लागि योजना बनाई पेश गर्न स्वास्थ्यमन्त्री पुनमगरको सुझाव

नवलपरासी,१३ बैशाख
जिल्ला स्थित पृथ्वीचन्द्र अस्पताललाई एक सय सैया विस्तार गरि शैक्षणिक कार्य पनि गर्ने गरि प्रस्ताव बनाई पठाउन लुम्बिनी प्रदेश सरकारका स्वास्थ्यमन्त्री दिपेन्द्र कुमार पुन मगरले सुझाव दिइएका छन् । विहिवार अस्पतालको अनुगमन गर्ने क्रममा उनले सो सुझाव दिइएका हुन् ।
अस्पतालमा विरामीको चाँप बढदै गएको र विशेषज्ञ चिकित्सकहरुको आकर्षण भएको अवस्था देखेर उनले यो अस्पतालमा अब शैक्षणिक कुरा आवश्यक देखिएको बताएका थिए । दैनिक साढे ४ सय भन्दा बढि विरामीहरु आउने गरेका छन्,उनले भने,यहाँ नयाँ भवन निर्माण भई सकेको छ,विशेषज्ञ चिकित्सक पनि छन्,तर त्यसको अनुपातमा यहाँ सहयोगी स्वास्थ्यकर्मी कम देखिएका छन् । यस क्षेत्रमा स्वास्थ्य सम्बन्धि कुनै अन्य शैक्षणिक कार्यका लागि संस्थानहरु पनि छैनन् । यसले गर्दा यो अस्पताल त्यसको लागि उपयुतm अस्पताल रहेको छ । शैक्षणिक कार्यले केही हदसम्म यहाँ स्वास्थ्य सेवामा सहयोगी पनि हुनेछन् । निजी क्षेत्रलाई अनुमति दिनु भन्दा सरकारी अस्पताललाई नै ति सुविधा उपलब्ध गराउदा जनतालाई पनि राहत पुग्ने सरकारी स्वामित्व रहनुका साथै विश्वासनियता पनि हुने उनको भनाई थियो ।
बिरामीको चाँप बढि भएको हुदा अध्ययनका लागि पनि उपयुतm अस्पताल बन्न सक्छ, उनले थपे, यसका लागि स्वास्थ्य मन्त्रालय र लुम्बिनी प्रदेश सरकारको तर्फबाट आवश्यक सहयोग हुन्छ । वर्दिया अस्पतालले पनि अस्पतालमा शैक्षणिक कार्यका लागि निर्णय र परियोजना प्रतिवेदन पठाई सकेको छ, यो पृथ्वीचन्द्र अस्पतालले पनि चाडै निर्णय र परियोजना प्रतिवेदन पठाउन पर्यो । यसले नवलपरासी क्षेत्रका विद्यार्थीलाई अध्ययन गर्नका लागि टाढा जान पनि नपर्ने र तिनै जनशतिmले अस्पताल सञ्चालन पनि गर्न सक्ने अवस्था छ । अस्पतालको १४ करोड बढिको नयाँ भवन निर्माण सम्पन्न भई सकेको र पिसिआर भवन नागरिक स्तरबाट छुट्टै बनिसकोको छ । हाल सञ्चालन हुदै आएको अस्पताल भवन पनि ठिकै अवस्थामा रहेको छ ।
पुर्वाधारको आधारमा यहाँ सय सैयाको अस्पताल सञ्चालनमा समस्या नआउने अस्पतालका निमित्त मेडिकल सुपरिटेण्डेन्ट(निमेसु) सर्जन डा.किरण पाण्डेले जानकारी गराएका थिए । उनले अस्पताल विकास समितिले त्यसको लागि निर्णय गरिसकेको जनाउदै छिट्टै परियोजना प्रतिवेदन बनाएर लुम्बिनी प्रदेश सरकारमा पठाउने मन्त्री मगरलाई अवगत गराएका थिए । अस्पतालमा शैक्षणिक गतिविधि अर्थात स्वास्थ्य सहायक,स्टाफ नर्स लगायत ल्याब,फर्मेसी जस्ता स्वास्थ्य सम्बन्धि विषयको पठन पाठन गराउदा ति विद्यार्थीहरु सैद्धान्तिक ज्ञान पछि प्रत्यक्ष अभ्यास गर्न पाउने छन् । विरामीको संख्या पनि भएको र विशेषज्ञ चिकित्सकहरु पनि यहाँ कार्यरत हुदा अध्ययनका लागि उपयुतm वातावरण रहेको छ । यसले गर्दा अन्य थप विशेषज्ञ चिकित्सक पनि यो अस्पतालमा आकर्षित हुनेछन् ।
मेडिकल क्षेत्रमा अध्ययन गर्न चाहने विद्यार्थीहरुलाई पनि आफ्नै गाँउ ठाँउमा कम लगानीमा अध्ययन गर्न पाउने पनि हुन्छन् । जुन आवश्यकता पहिचान गरि अस्पतालले निर्णय गरेर सरकारसँग माग गर्न खोजेको थियो,त्यो कुरा मन्त्री मगरले आफै भने पछि हामीलाई उत्साह थपिएको अस्पताल विकास समितिका अध्यक्ष महेन्द्र प्रसाद गुप्ताले बताए । विगत भन्दा अहिले अस्पताल प्रति भरोसा र विश्वास बढदै गएको छ, उनले भने,विरामीको चाँप पनि त्यही विश्वास कारण थपिदै गएको छ । विशेषज्ञ चिकित्सक पनि आउन थालेका छन् । आउने इच्छा पनि देखाउदै छन् ।
तर ति चिकित्सकको सहयोगी स्टाफको रुपमा कर्मचारी अत्यन्तै न्युन रहेका छन् । यसले गर्दा विरामीको सेवा प्रवाहमा केही चुनौतीहरु थपिदै गएका छन् । त्यसको लागि पनि यो अस्पतालमा एउटा सहयोगी जनशतिmमा पनि शैक्षणिक कार्यले टेवा मिल्ने र विद्यार्थीलाई पनि राहत पुग्ने हुदा यस प्रति यहाँका राजनीतिक दल,नागरिक समाज र संघसस्थाहरु पनि उत्साही र सकारात्मक सहयोगका लागि तत्पर देखिन थालेका छन् । त्यसमा मन्त्रीको चाहना पनि त्यही देखिदा निकट भविष्यमा पृथ्वीचन्द्र अस्पतालमा स्वास्थ्य सम्बन्धि पठन पाठन हुनेमा विश्वस्त भएको उनले बताएका थिए ।
मन्त्रीलाई नयाँ भवनको अवलोकन गराउदै अध्यक्ष गुप्ताले खानेपानीका लागि अस्पताल परिसरमै छुट्टै खानेपानी टंकी र बोरिगँको ब्यवस्थापन र चिकित्सक बस्ने आवास भवनका लागि पनि योजना पार्न माग गरेका थिए । त्यसै गरि नयाँ भवनमा अस्पताल सार्दा आवश्यक औजार,उपकरण,फर्निचर लगायतका समाग्रि आपुर्तिका लागि पनि बजेट थपेर पठाउन माग गरिएको थियो । त्यसै गरि एण्टीरेबिज,एन्टी भेनम लगायत अति आवश्यक खोप सुई पनि माग अनुसारको आपुर्ति गर्नका लागि पनि मन्त्री मगरसँग आग्रह गरेका थिए ।