अलपत्र जिल्ला स्तरिय सडकमा लुम्बिनी प्रदेश सरकारको बजेट

नवलपरासी,२२ साउन
लामो समय देखी अलपत्र अवस्थामा रहेको जिल्ला स्तरिय सडक निर्माण गर्ने गरि लुम्बिनी प्रदेश सरकारले स्वामित्व ग्रहण गरि बजेट बिनियोजन गरेको छ । संघियतामा मुलुक गए पश्चात तत्कालिन जिल्ला विकास समिति मार्फत जिल्ला स्तरिय सडक भनेर चिनिएका अपलत्र सडकहरु मर्मत गर्नका लागि अहिले लुम्बिनी प्रदेश सरकारले स्वामित्व लिई मर्मत सम्भार र स्तरोन्नतीका लागि बजेट विनियोजन गरेको हो ।
लुम्बिनी प्रदेश सभा सदस्य बैजनाथ जैसवालको पहलमा अलपत्र झण्डै आधा दर्जन अन्तरपालिका जोडिने सडकहरुमा बजेट बिनियोजन भएको उनका स्वकिय सचिव इमामुल खानले जानकारी गराए । उनका अनुसार पोखरापाली बैरागनाथ सडकमा ५० लाख,मञ्झरिया सनई सडकमा १ करोड,उजैनी लोहरौली चमनटोला सडकमा १ करोड ३० लाख,पोखरापाली ज्यामिरे सडकमा ५० लाख,बासा पिपरहिया सडकमा १ करोड ५० लाख र तुरिया घिनहा पुल निर्माणका लागि १ करोड बजेट विनियोजन भएको छ । तत्कालिन जिविसले जिल्ला स्तरिय र इलाका स्तरिय सडक निर्माण गरि मर्मत सम्भार र स्तरोन्नीको काम गर्दै आएकोमा पछिल्लो पटक त्यस्ता सडकहरु दुई भन्दा बढि पालिका जोड्ने गरि परेको अवस्था र जिविस खारेज भएको अवस्थामा त्यस्ता सडकहरुको जिम्मेवारी कुन निकायले लिएर गर्ने हो भन्दै प्रदेश साँसदसँग स्थानियले प्रश्न उठाउदै आएका थिए ।
अहिले लुम्बिनी प्रदेश सरकार मार्फत केही सडकहरुमा बजेट बिनियोजन भएका छन् । तर अझै पनि धेरै त्यस्ता सडक पुर्वाधारहरु सुचिकृत नभई सकेका कारण कुन सरकारले स्वामित्व लिई काम गर्ने हो । ्रत्यसबारे निक्यौल हुन सकेको छैन् । यसका लागि जिल्ला समन्वय समितिले कम्तीमा पनि संघिय साँसद,प्रदेश साँसद र स्थानिय तहका प्रमुखहरुको संयुतm भेला गराई कुन सडक कुन स्तरको हो ? भनेर छुट्टयाए पछि जनताले सम्बन्धित जनप्रतिनिधिसँग माग उठाउन सहज हुने समेत स्थानियले माग गर्दै आएका छन् ।