रामग्राम नगरपालिकाले शुरु गर्यो झरही खोला कोेरिडोरको निर्माण

नवलपरासी,१३ फागुन
जिल्लाको रामग्राम नगरपालिकाले नगरक्षेत्रबाट बग्ने झरही खोला किनारलाई ब्यवस्थित गर्न झरही करिडोर बनाउने लिएको लक्ष्य अनुसार कामको थालनी गरेको छ । झरही खोलाको सरसफाई,पानी बग्ने धारलाई च्यानालाईज र किनारमा सडक सहितको तटबन्धन निर्माण गर्दै कोरिडोर बनाउने कार्य शुरु भएको छ ।

झरही खोलासँगै जोडिएका महत्वपुर्ण ऐतिहासिक तथा पुरातात्विक धार्मिक स्थलहरु रहेको र खोला किनारमै धेरै आवश्यक पुर्वाधारहरु बनेको हुदा झरही कोरिडोरले ति सबै क्षेत्रलाई जोड्ने कार्य गर्नेछ । खोलाको पानी नियन्त्रण र ब्यवस्थापन गरि उपयोग गर्ने र खोला भित्र जम्मा भएका फोहोर,बालुवा,माटो,ढिस्को जस्ता पानी अवरोधक बस्तु निकाल्ने र सफा गर्ने कार्य यसै कोरिडोरसँगै हुने नगरपालिकाका इन्जिनियर सतिस गुप्ताले बताए । नदी सफा नहुदा चुरे पहाडबाट बगेर आउने पानी बस्ती तर्फ जाने खत्तरा पनि छ,उनले भने,जल प्रकोप नियन्त्रणमा पनि यहिँ कोरिडोरले समस्या समाधान गर्नेछ । झरही खोला एउटा चुरेबाट बग्ने खोला मात्रै नभई नगरभित्रका धेरै तिर्थ स्थलहरु जोड्ने माध्यम पनि रहेको छ ।

समाजिक र साँस्कृतिक सभ्यता संरक्षण गर्ने स्रोतको रुपमा पनि झरही खोला रहेको छ । यसैले नगरसभाले झरही कोरिडोरको रुपमा विकास गरि अभिसाप बनेको झरही खोलालाई बरदानमा परिणत गर्ने नीयतीका साथ कामको थालनी भएको नगरपालिकाले जनाएको छ । हालैको नगरसभाले समेत झरही खोला कोरिडोरका लागि पचास लाख रुपिया बजेट विनियोजन गरेको छ । सोही रकमबाट अहिले परासी हाट बजार क्षेत्रबाट काम शुरु भएको इन्जिनियर गुप्ताको भनाई थियो । सुनवल नगरपालिका स्थित चुरे पहाडबाट बगेर आउने झरही खोला किनारमै विभिन्न पार्क र धर्मस्थलहरु पनि जोडिएका छन् । भगवान गौतम बुद्धको अष्टधातु राखिएर बनेको रामग्राम स्तुप समेत झरही किनारमै रहेको छ । रामग्राम स्तुप कै नामले यो नगरपालिकाको नाम रामग्राम नै कायम गरिएको थियो । भने प्राचिन ऋषि परासर समेत आएर बास बसेको स्थान परासी भएको मान्यता पनि रहदै आएको छ । सो परासर ऋणि बास बसेको स्थान हाल रामग्राम १२ कसिया शान्तिचौर स्थित गुफा भनेर चिनिने कुटी झरही किनारमै अवस्थित छ ।

झरही किनारमै परासी बसपार्कको निर्माण भई सकेको छ । बसपार्ककै पुर्व पट्टि शान्तिपार्कको प्रस्ताव पनि गरिएको स्थान झरही खोला किनारमै छ । झरही खोला किनारमै वार्ड नं.८ को मसान घाट,कसिया सामुदायिक बन र निर्माणाधिन उनवछ लिफ्ट सिचाई योजनालाई समेत झरही खोला कोरिडोरले जोड्ने भएको हुदा झरही कोरिडोर काम एक उदेश्य अनेक जस्तै रहेको हुदा यो नगरपालिकाको प्राथमिकतामा परेको इन्जिनियर गुप्ताको भनाई थियो । अहिले काम शुभारम्भ गरिएको छ,उनले थपे,पुरै खोला भरि कोरिडोरको निर्माण कार्य सम्पन्न गर्न केही बर्ष लाग्न सक्छ,तर शुभारम्भ अहिले भएको छ । झरही खोला,भलुही खोला,तुरियाखोला,रामखण्डा खोला जरि चार वटा खोला बगेको रामग्राम नगरपालिकाले सबै खोला किनारलाई ब्यवस्थित गरि खोला किनारमा रोडकोरिडोरको निर्माण गर्ने लक्ष्य रहेको छ । त्यसका लागि अहिले रामग्राम नगरपालिकाले आफ्नै स्काभेटर खरिद गरेको छ । जस्ले गर्दा खोलाको सफाई र कोरिडोर बनाउनमा सहजता हुने उनको भनाई थियो । जुन कार्य अहिले अहिले झरहीखोलाबाटै शुभारम्भ गरिएको छ ।

Leave a Reply

Your email address will not be published. Required fields are marked *