जिल्ला अस्पताल परिसरमै आयुर्वेद स्वास्थ्य केन्द्र खुले पछि आयुर्वेद तर्फ विरामीको आकर्षण

नवलपरासी,१३ भदौ,
जिल्ला अस्पताल परिसरमै आयुर्वेद स्वास्थ्य केन्द्र सञ्चालनमा आए देखी विरामीको आकर्षण आयुर्वेदिक उपचार तर्फ बढदै गएको छ । जिल्ला पृथ्वीचन्द्र अस्पताल परिसरमै आयुर्वेदिक उपचार हुने जानकारी स्थानियले थाहा पाउदै गए पछि दिर्घरोगी,जेष्ठनागरिकहरुको आकर्षण आयुर्वेदिक उपचार तर्फ बढन थालेको हो ।

रामग्राम नगरपालिका १४ अईचावलबाट घुडा दुखाईको उपचारका लागि केन्द्रमा आएका आएका ७५ बर्षिय फेकु यादवले गाँउकै लक्ष्मण हरिजन उपचार गराएर गए पछि आफुलाई उनीबाट थाहा भएको बताए । लामो समय ऐलोपैथिक उपचार गराउदै आए पनि निको नभएका कारण उनी आयुर्वेदिक उपचार केन्द्रमा आएर उपचार गराएका थिए । यहिँबाट लागेको औषधीले दुई दिनमै राहत महशुस भएको बताए । उनले नै भनेर आफु आयुर्वेदिक स्वास्थ्यकेन्द्र खोज्दै आएको हुँ,उनले भने, गाउका धेरैले भने,घुडाको दुखाई अग्रेजी औषधी भन्दा आयुर्वेदिक औषधीले निको हुन्छ । छिमेकी हरिजनले पनि आफ्नो अनुभव सुनाए देखी खोज्दै आएको सुनाउदै उनले भने, मलाई पनि यो औषधीले निको होला विश्वास लागेको छ । डाक्टरले सम्झाउने बुझाउने कार्य पनि राम्ररी गर्दै आएका छन्,उनले भने, अंग्रेजी औषधी लिन जादा औषधी दिन्छन्,त्यसैमा कसरी खाने लेखिदिन्छन्,त्यसबारे सम्झाई बुझाई पनि गर्दैनन । तर यहाँ औषधी निशुल्क पाउने र सम्झाई बुझाई पनि राम्रो गरिएको पाइयो ।
फेकु यादव जस्तै धेरै वृद्धवृद्धाको रोजाई अहिले आयुर्वेदिक उपचार केन्द्र बन्दै गएको छ । जिल्ला अस्पताल परिसरमै पहिलो पटक सरकारी स्तरबाट सदरमुकाममा उपचार केन्द्र खुलेको उद्योग बाणिज्य संघ नवलपरासीका पुर्व बाणिज्य उपाध्यक्ष समेत रहेको राधेश्याम अग्रहरीले बताए । आफुले समेत सो आयुर्वेदिक उपचार केन्द्रबाट औषधी ल्याएर सेवन गरेको उनले सुनाए । दुई दिनमै समस्या हल भयो,उनले भने, दिसा राम्रोसँग नआउने र अनियमित तरिकाले जुन सुकै बेला दिसा लाग्ने र दिसा लागे जस्तो महशुस भए पनि दिसा नहुने समस्या थियो । तर उपचार केन्द्रमा गएर उपचार गराँए । त्यहा पाएको निशुल्क आयुर्वेदिक त्रिफला चुर्ण र अन्य औषधी सुझाव दिए अनुसार सेवन गरे पछि ठिक भएको छ । अहिले दुई दिनमै दिसा सफा आउन थालेको छ, उनले भने ,नियमति पनि भएको छ । त्यही समस्यालाई लिएर पहिला अंग्रेजी औषधीको झोल दिएका थिए । दिसा त भयो,तर पखाला लागे जस्तै धेरै पटक हुन थाल्यो,उनले थपे,त्यसले कमजोरी महशुस हुन थाल्यो । त्यही भएर त्यो औषधी खान छोडे । पछि परासीमै आर्युेदिक उपचार केन्द्र खुलेको थाहा पाएर उपचारका लागि गएको सुनाए । औषधी पनि निशुल्क,परामर्श पनि राम्ररी पाइयो । अहिले त्यही औषधीले निको भएको उनको भनाई थियो ।
गत महिना देखी शुरु भएको आयुर्वेदिक उपचारको सेवाको प्रभावकारिता स्थानियले महशुस गर्न थालेको आयुर्वेदिक उपचार केन्द्रले जनाएको छ । दैनिक १५ देखी २० जनासम्म विरामी आउने गरेका छन्, केन्द्रका चिकित्सक डा. रमेश केसीले भने, अहिले दुई जना स्टाफ मात्र यहाँ छौ । तर पनि विरामीको चाँप बढदै गएको छ । दशै पछि पुरै ७ जनासम्म स्टाफ आउनेमा उनले विश्वास ब्यतm गरे । आयुर्वेदिक उपचार केन्द्रले आफ्नो प्रचार प्रसार पनि गरेको छैन्,उनले थपे,यसको प्रचारक स्वम् विरामीहरु नै बनेका छन् । एक जना विरामी आयुर्वेदिक उपचार गराएर निको भएको र राहत महशुस भए पछि गाँउ भरि उनीनै प्रचार गरिदिने आफ्ना आफन्त साथीभाईलाई पठाई दिने गरेका छन् । यसले हामीलाई पनि उत्साही बनाएको छ । लुम्बिनी प्रदेश सरकारको स्वास्थ्य,जनसंख्या तथा परिवार कल्याण मन्त्रालय अन्तरगत स्वास्थ्य निर्देशनालयले गत असार महिनामा जिल्ला अस्पताल परिसरकै एउटा भवनमा नवलपरासी आयुर्वेद स्वास्थ्य केन्द्रको शुभारम्भ गरेको थियो । अहिले पुर्ण रुपमा काम गर्न सकेको छैन् । डा.केसीका अनुसार आवश्यक पुर्वाधार र कर्मचारी अभावका कारण तोकिए अनुसारको सेवा प्रवाहमा समस्या छ ।
विरामीको परिक्षण,औषधी वितरण,स्वस्थ्यजिवन कार्यक्रम,पुर्वकर्म,क्षारसुत्र एवं सामान्य शल्य चिकित्सा,प्रयोगशाला,स्तनपायी कार्यक्रम,जेष्ठ नागरिक सेवा र स्वास्थ्य शिक्षा एवं परामर्श सेवा नियमित रुपमा दिने केन्द्रको लक्ष्य रहेको छ । अहिले विरामी परिक्षण र औषधी वितरणका कार्य मात्र भई रहेको जानकारी गराएका थिए । आयुर्वेद केन्द्रले यहाँका निजी आयुर्वेद औषधी पसल समेत खुल्न थालेका छन्,निजी फर्मेसीले समेत आयुर्वेदिक औषधी राख्न थालेका छन् ।