नवलपरासी,२८ जेठ
जिल्लाको पाल्हीनन्दन गाउपालिकाले गाउपालिका भित्रका विद्यालयहरुमा गाउपालिका पहिचान कार्यक्रम सञ्चालन गरेको छ । बालबालिकालाई गाउपालिकाको सेवा सुविधा लिन शुरु देखी नै जानकारी हुने र अ आफ्ना अभिभावकहरुलाई पनि सेवा लिन सहज बनाउने उदेश्यले उतm कार्यक्रम सञ्चालन गरिएको हो ।
गाउपालिका उपाध्यक्ष फातुमा खातुन अंसारी(सकिना)ले शुभारम्भ गरेकी थिईन् । गत बर्ष विद्यालयसँग उपाध्यक्ष कार्यक्रम गरि उपाध्यक्षका काम कर्तब्य र अधिकारबारे जानकारी गराउदै आएकी उपाध्यक्ष सकिनाले गरेकी थिईन् । यस पटक विद्यालयमा गाउपालिकाका सबै गर्ने काम,दिईने सेवा र सेवाग्राहीले सेवा लिनका लागि अपनाउने प्रकृया लगायतका विषय बस्तुहरुलाई समेटेर गाउपालिका पहिचान कार्यक्रमको शुभारमभ गरेकी बताईन् । यसले बालबालिकामा उत्साह थपिएको छ, उनले भनिन्, आजका बालबालिका भोलीका कर्णधार हुन्,आम नागरिक सरह नै उनीहरुलाई पनि गाउपालिकाबारे जान्न आवश्यक छ । यस्ले गर्दा यो कार्यक्रम विद्यालय लक्षित बनाइएको उनले सुनाईन् ।
आफु क्याम्पसमा अध्ययनरत रहदै यो राजनीति कार्यमा लागेको हुँ,उनले थपिन्,बालबालिकाबाटै पनि आफ्नो गाँउ टोलको विकास प्रकृयामा जान्न,सुन्न र संलग्न हुन सक्ने आधार तयार गर्नका लागि पनि यो कार्यक्रमले प्रभावकारिता थप्ने बताएकी थिईन् । उनका अनुसार उतm कार्यक्रमको सहजीकरण कोलिय मिडिया एण्ड आईटी सोलुसन प्रालिले गर्दै आएको छ । कार्यक्रममा मुलुकमा चल्दै गरेको संघिय लोकतान्त्रिक गणतन्त्रको उपादेयताबारे जानकारी गराउदै त्यही संघिय संरचना भित्रकै एक पाल्हीनन्दन गाउपालिका पनि भएको बताईन् ।
गाउपालिका एक आफैमा सरकार हो । सरकारमा हुने हरेक विधि प्रकृया अनुसार नै गाउपालिका सरकारले पनि गर्ने गर्छ । गाउपालिकामा पनि कानुन बनाउने अधिकार छ । संविधान,संघिय र प्रदेश कानुनको अधिनमा रहेर ति कानुनसँग नबाझिने गरि गाउसभाले कानुन बनाउछ । त्यो कानुनलाई कार्यपालिकाले कार्यान्वयन गर्छ । जनताका स साना समास्या समाधानका लागि उपाध्यक्षकै नेतृत्वमा गाउपालिका भित्र न्यायिक समिति रहेको छ । गाउसभा पनि गाउ सँसद हो । जहाँ विधेयकहरु पेश हुन्छ,छलफल हुन्छ,पास भए पछि कानुन बन्छ । त्यो कानुनलाई अध्यक्ष,उपाध्यक्ष,वार्डअध्यक्ष सहित कार्यपालिका सदस्यहरुले कार्यान्वयनमा ल्याउने हुदा त्यो कार्यपालिका हो । त्यसै गरि न्यायिक समितिले न्याय सम्पादन गर्दै न्यायपालिकाको काम गर्ने गर्छ ।
कार्यपालिकाले जनताका सेवा प्रदान गर्नका लागि गाउपालिका भित्र प्रशासन शाखा,राजश्व शाखा,योजना शाखा,पुर्वाधार शाखा,कृषि शाखा,पशु शाखा,स्वास्थ्य शाखा,शिक्षा शाखा,महिला तथा बालबालिका शाखा,लेखा शाखा,उद्यम विकास शाखा र समाजिक विकास शाखा लगायतका शाखा मार्फत जनताका सेवा प्रवाह गर्दै आएको जानकारी गराइएको थियो । जुन विषयसँग सम्बन्धित सेवा हुन्छ,त्यो विषयगत शाखामा जानु पर्छ । विषयगत शाखाले आफुले गर्न सक्ने काम त्यहीबाट गरेर पठाउने र गर्न नसक्ने काम कार्यपालिकाको बैठकमा प्रमुख प्रशासकिय अधिकृत मार्फत पेश गर्नु पर्छ । कार्यपालिाकाले निर्णय गरेर कार्यान्वयन गर्ने,सिफारिस गर्ने गर्छ । कार्यपालिकाको निर्णय काम गर्न मात्र सम्भवन नभए गाउसभामा पास गर्नका लागि पठाईने गरिएको उपाध्यक्ष सकिनाले जानकारी गराएकी थिईन् । त्यसै गरि राज्यको सबै भन्दा सानो इकाईको रुपमा रहेको वार्ड कार्यालयहरु छन् ।
जनताका सेवाहरुबारे ति वार्ड कार्यलयले सिफारिस गर्ने गर्छन् । ४२ प्रकारका सिफारिस वार्ड कार्यालयले गर्ने गर्छ । त्यसै गरि स्थानिय स्तरबाट वास्तविक विषयबस्तुको प्रमाणिकरण गर्ने र घटना दर्ता पंजिकाको काम गर्ने काम पनि वार्ड कार्यालयहरुबाट हुने गरेको उनको भनाई थियो । केही अधिकार क्षेत्र तोकेर विकास पुर्वाधारका काम समेत वार्डबाटै हुने गरेको उनले बताएकी थिईन् । विद्यालयमा सरकारी कामकाजको प्रकृयाबारे जानकारी गराउदा धेरै नै प्रभावकारी भएको जनता मावि लोहरौलीका प्रधानाध्यापकले बताएका थिए । कार्यक्रमले बालबालिकालाई उत्साही र जिज्ञासु बनाएको कार्यक्रमका सहजकर्ता हुसेन अंसारीले बताएका थिए ।
पाल्हीनन्दन गाउँपालिका लुम्विनी प्रदेश अन्तर्गत नवलपरासी जिल्लाको सदरमुकाम परासीबाट ७ कि.मि. दक्षिण तर्फ रहेको छ । ऐतिहासिक धार्मिक स्थल पाल्ही भगवती मन्दिर र साविक गेरमी र सनई गा.वि.स. मा ३६ विघामा अवस्थित रहेको नन्दन तालको ऐतिहासिक गाथा बोकेको पाल्ही नन्दन गाउँपालिका साविक को रमपुरवा, हरपुर, कुश्मा, पाल्ही, गेरमी र सनई गा. वि. स. को साझा संगम हो । ४४.६७ वर्ग कि. मि. क्षेत्रफल ओगटेको यो गाउँपालिका को कुल जनसंख्या ३५ हजार ४ सय २९ रहेको छ । यस गाउँपालिकामा बसोवास गर्ने कूल जनसंख्या मध्ये ९९ प्रतिशत अवधि र भोजपुरी भाषा बोल्दछन भने करिव १ प्रतिशत जनसंखया थारु, उर्दु र नेपाली भाषा बोल्दछन् ।
पुर्वमा सरावल गाउँपालिका, पश्चिममा रुपन्देहीको रोहिणी गाउँपालिका, उत्तरमा रामग्राम नगरपालिका र दक्षिणमा भारत संग ,सिमाना जोडिएको गाउँपालिकामा महेशपुर भन्सार यस गाउँपालिकाको अर्को चिनारी हो । गुप्ता, यादव, मुस्लिम र हरजिन जातिको मुख्य बासोबास रहेको यस गाउपालिकाको मुख्य पेशा कृषी रहेको छ । सिमित मात्रामा विद्यालय भएकोले उच्च शिक्षा लिनको लागि जिल्ला सदरमुकाम तथा अन्य शहरहरु तथा राजधानीमा जानु पर्ने वाध्यत्मक अवस्था रहेको छ । पाल्ही भगवती मन्दिर, शिव मन्दिर लोहरौली, सोहगौरा मन्दिर पडरी, नन्दन ताल सनई र गेरमी, राधाकृष्ण मन्दिर रामजानकी मन्दिर सुगौली यस गाउँपालिका का मुख्य ऐतिहासकि पर्यटकिय स्थल हुन ।
