नवलपरासी,१३ पुस
जिल्लाको सरावल स्थित निर्माण हुन लागेको थारु साँस्कृतिक पार्कलाई ब्यवस्थित बनाउन विस्तृत परियोजना प्रतिवेदन(डिपिआर) बनाउने कार्य शुरु भएको छ । हुलाकी राजमार्ग देखी करिब ५ सय मिटर उत्तर भलुही नदि किनारमा रहेको वृक्षारोपण क्षेत्रलाई थारु साँस्कृतिक पार्कको स्वरुप दिनका लागि गाउपालिकाले डिपिआर बनाउने कार्य शुरु गरेको हो ।
सो स्थानलाई केही महिना पहिला स्थानियको सक्रियतामा पार्क बनाउने कार्यमा लागेका थिए । त्यसलाई ब्यवस्थित र आकर्षित बनाउनका लागि डिपिआर बनाउने कार्य गाउपालिकाले शुरु गरेको छ, गाउपालिका अध्यक्ष शुखाडी प्रसाद चौधरीले भने,स्थानियको चाहना र भावनासँगै मिलेर गाउपालिकाले पनि काम गर्नु पर्छ,भनि त्यसलाई ब्यवस्थित गर्नका लागि डिपिआरको निर्माण गर्न लागिएको हो । यसरी बैज्ञानिक हुन्छ,उनले थपे,डिपिआरमा स्थान र पुर्वाधारको यकिन गरिनुका साथै गुणस्तर पुर्वाधारमा पनि सहयोगी हुनेछ । यसका लागि डिपिआर गर्ने टोलीले गाउपालिका,स्थानियबासीसँगै परामर्श गरेर प्राविधिक स्वरुप दिदैछ । यो गाउपालिकाको गौरवको आयोजना पनि हुने उनको भनाई छ ।
पार्क भित्र थारु समुदायको जन्म देखी मृत्युसम्मको रितिरिवाज,संस्कार र संस्कृतिलाई पनि समावेश गरिने छ । त्यसबारे अन्य अत्यावस्क मनोरन्जन,अध्ययन,अभ्यास,ध्यान,साधना गर्ने स्थल,थारुको संस्कृति झल्किने पुर्वाधारहरु पनि बन्ने छन् । त्योसँगै बाहिरी पर्यटकलाई पनि आकर्षित गर्नका लागि पिकनिक स्पोर्ट,थारु स्टेचु,थारु संस्कृतिका ट्रसहरु,सेल्फी प्वाइन्ट,थारु संग्रालय,बालउद्यान,उद्यान,खेल मैदान,सभाहल,आधुनिक सौचालय,पाटीपौवा,पार्किगँ स्थल,पर्खाल,प्रवेशद्धार,,टिकट काउण्टर,जल भण्डारण,खुल्ला मञ्च,चौतरा,पुस्तकालय,लाईटिगँ जस्ता पुर्वाधारहरु समेटिने छन् ।
त्यसै गरि पार्कको पुर्वमा रहेको खोल्सालाई जल विहारको रुपमा ब्यवस्थित गर्नुका साथै पार्कको वरिपरि मिटि रेल चल्ने खालको रेल पाथ,फुटपाथहरु रहने छ । त्यसै गरि पार्कको पश्चिम भलुही खोला किनारमा क्याम्प फायर गर्ने खालका पनि संरचना निर्माण गर्न सकिनेछ, अध्यक्ष चौधरीले भने,पार्कको केन्द्रमा गोघीँको स्वरुपमा भ्युटावर समेत निर्माण गर्ने सोच रहेको छ । पार्कको क्षेत्रफल करिब ८ विघा रहेको र त्यही सिचाई योजना समेत हुदा आकर्षण थप्ने उनको भनाई थियो । पार्कका पुग्नका लागि हुलाकी राजमार्गमा रहेको जनता मावि मनरी देखी उत्तर बाँसा जाने सडक हुदै करिब ७ सय मिटर पुगेर मनरी गाँउको पश्चिम तर्फ जानु पर्छ । केही दिनमा हुलाकी राजमार्गमा पर्ने भलुहीखोलाको पटखौली पुल देखी सिधै उत्तर तर्फ डिस्टलरी नजिकैबाट पनि बाटो खोलिने अध्यक्ष चौधरीले बताएका थिए ।
