नवलपरासी, २५ जेठ,
जिल्ला भित्रका लघुवित्त तथा विभिन्न साँहु महाजनबाट ऋण लिएका ऋण पिडितहरुले ऋण मिनहा गरि चर्को ब्याज असुल्नेलाई कारवाहीको माग गर्दै सदरमुकाम परासीमा प्रर्दशन गरेका छन् । मिटर ब्याज तथा ठगि विरुद्ध किसान मजदुर मार्च नाम दिइएर निकालिएको र्याली रामग्राम नगरपालिका शान्तिचौर बाट बुद्ध चोक हुदै जिल्ला प्रशासन कार्यालय सहित बजारमा प्रदर्शन गरेका हुन् ।
मिटर ब्याज तथा ठगि विरुद्ध किसान संघर्ष समितिको अगुवाईमा जिल्ला भरिबाट करिब एक हजारको संख्यामा आएका पिडितहरुले विभिन्न नाराबाजी गर्दै प्रदर्शन गरेका थिए । नक्कली तमसुक गराउनेलाई कारवाही गुर्नका साथै विभिन्न षणयन्त्र गरि फसाईएका किसानहरुलाई राहत समेत उपलब्ध गराउनु पर्ने माग गरेका थिए ।
