रामग्राम नगरपालिका

नवलपरासी। नेपाल रेडक्रस सोसाइटी हकुई–सुक्रौली उपशाखाको नवनिर्मित दुईतले भवनको उद्घाटन गरिएको छ। बुधबार, २०८३ असोज २८ गते लुम्बिनी प्रदेशसभा सदस्य बैजनाथ जैसवालले एक कार्यक्रमबीच भवनको उद्घाटन गरेका हुन्। उपशाखाको संस्थागत क्षमता अभिवृद्धि गर्ने तथा मानवीय सेवाका गतिविधिलाई थप व्यवस्थित बनाउने उद्देश्यले निर्माण गरिएको भवनको उद्घाटनसँगै उपशाखालाई आफ्ना गतिविधि सञ्चालन गर्न सहज हुने अपेक्षा गरिएको छ। भवन निर्माणका लागि लुम्बिनी प्रदेश सरकारको योजनाबाट ९ लाख ३९ हजार रुपैयाँ र उपशाखाको आन्तरिक स्रोतबाट ४ लाख ९२ हजार १२१ रुपैयाँ खर्च भएको छ। भवन निर्माणमा कुल १४ लाख ३१ हजार १२१ रुपैयाँ लागत लागेको उपशाखाले जनाएको छ। प्रदेश सरकारबाट प्राप्त बजेट र उपशाखाको आन्तरिक स्रोत परिचालन गरी भवन निर्माण कार्य सम्पन्न गरिएको हो। स्थानीयस्तरमा मानवीय सेवा, विपद् व्यवस्थापन, प्राथमिक उपचार तथा रक्तद...