रामग्राम नगरपालिकामा विद्यालय अनुगमन निरन्तरः मेयरले खाए विद्यार्थीले खाने खाजा

नवलपरासी,२५ साउन
नगरक्षेत्रका विद्यालयमा रामग्राम नगरपालिकाका नगरप्रमुख(मेयर)ले थालेको अनुगमन कार्यलाई निरन्तरता दिदै बुधवार पनि तिनवटा विद्यालयको अनुगमन गरेका हुन् । मेयर धनपत यादव र नगरशिक्षा अधिकारी रुद्र प्रसाद रेग्मी र सम्बन्धित वार्डअध्यक्षलाई साथमा लिएर अनुगमनलाई निरन्तरता दिएका हुन् ।
शिक्षाको बेथिती सुधारका लागि सबै विद्यालयमा एक पटक संयुत्त रुपमा पुग्नै पर्ने आवश्यकता औल्याउदै मेयर यादवले अनुगमन पुर्व सुचना विना नै विद्यालयमा पुग्ने गरेका छन् । अनुगमनको क्रममा विद्यालयमा सरकारले दिदै आएको खाजाको गुणस्तर समेत हेर्ने,सरसफाई,पुर्वाधार वातावरणको विषयमा अहिले सुचना लिइने गरेका छन् । जनता आधारभुत विद्यालयमा पुगेर उनले विद्यार्थीले खाने गरेको खाँजा समेत चाख्दै भने, यस्तो खाँजा नखुवाउनुस । खाँजामा भुजा र पस्ता बनाइएको थियो । कतिपयमा जंकफुड नै पाइएको थियो । विद्यार्थी संख्या अति नै कम भएको भएको र भर्ना भएका बालबालिका पनि उपस्थित भएको भेटिएका थिएनन् । अहिले नगरपालिकाले प्रति विद्यार्थी दैनिक १० रुपिया उपस्थितीको आधारमा प्रोत्साहन रकम दिईने नगरसभाबाट पास गराएको छ,मेयर यादवले भने, विद्यार्थी नै उपस्थित कम छन्,किन आएनन ? भनेर प्रश्न गरेका थिए । त्यसको खोजी गरेर शिक्षा शाखा मार्फत नगरपालिकामा पेश गर्न समेत उनले निर्देशन दिएका थिए ।


खाँजाकै लागि नेपाल सरकारले प्रति विद्यार्थी १५ रुपियाको दरले रकम उपलब्ध गराउदै आएको छ, तर खाँजाको अवस्था हेर्दा ति रकमको समेत सदुपयोग भएको छैन् । खाँजामा पोसिलो,स्वस्थकर हुनु पर्ने र त्यसका लागि विद्यालयले अगामी दिनमा सुधार गरेर लैजानु पर्ने आवश्यकता औल्याएका थिए । त्यसै गरि रामग्राम ९ कै करमैनी स्थित राष्ट्रिय माविमा हजिरी रजिष्टरमा धेरै विद्यार्थी देखिए पनि विद्यालयमा उपस्थिती अति नै न्युन रहेको बताएका थिए । लामो समयसम्म कतिपय विद्यार्थीको हाजिरी छैन,उनले थपे, तर ति विद्यार्थी कहाँ छन ? त्यसको चित्त बुझ्दो जवाफ समेत विद्यालयका शिक्षकले दिन सकेनन । दैनिक तिनै कक्षामा अध्यापन गर्ने शिक्षकले कति विद्यार्थी छन ? त्यसको जानकारी पनि नराख्नु दुर्भाग्यपुर्ण रहेको बताए ।
भौतिक पुर्वाधारले सम्पन्न सो माविमा विद्यार्थी संख्या किन न्युन भए ? किन पहल गरिएन ? त्यसको जवाफ अनुत्रित नै रह्यो । कतिपय माथिल्लो कक्षाका विद्यार्थी सामुदायिक विद्यालयमा भर्ना गराएर निजी विद्यालयमा अध्ययन गर्दै छन कि भन्ने पनि आशंका ब्यतm गरिएको थियो । अहिले नेपाल सरकारले सामुदायिक विद्यालयमा अध्ययन गर्ने विद्यार्थीका लागि सुविधाहरु प्रदान गर्ने हुदा केही अभिभावकले पहुँचको आधारमा विद्यार्थी सामुदायिकमा भर्ना गर्ने र निजी विद्यालयमा पढाउने गरेको पनि पाइएको छ । यसले गर्दा सामुदायिक विद्यालयमै पढने विद्यार्थीको प्रतिको बेईमानी हुने मेयर यादवको भनाई थियो । अब वार्ड अध्यक्षहरुलाई सुक्ष्मरुपमा यसबारे अध्ययन गर्न लगाईन र विभिन्न निकायबाट पनि अनुसंधान गरि आवश्यक कारवाही अगाडी बढाईने समेत उनले बताएका थिए ।

Leave a Reply

Your email address will not be published. Required fields are marked *