सांसद फेरिए तर फेरिएन झरही खोलाको होचो पुल
नवलपरासी ८ कातिकपाल्हीनन्दन गाउँपालिका–२ स्थित झरही खोलामा रहेको होचो पुल स्थानीयका लागि वर्षौंदेखि समस्या बनेको छ । खोलाको वरिपरि चार लेनको सडक निर्माण भए पनि पुल भने पुरानै र साँघुरो हुँदा ठूला तथा भारी सवारीसाधनको आवागमन प्रभावित हुँदै आएको छ। पुल निर्माण र स्तरोन्नतिको माग दशकौँदेखि उठ्दै आए पनि अहिलेसम्म पूरा हुन नसकेको स्थानीयले गुनासो गरेका हुन ।स्थानीयका अनुसार पुलको उचाइ कम र चौडाइ साँघुरो हुँदा महेशपुर भन्सारबाट नेपाल भित्रिने तथा बाहिरिने ठूला मालवाहक सवारीसाधनलाई आवतजावत गर्न कठिनाइ हुने गरेको छ । पुल कै कारण ठूला सवारीसाधन महेशपुर भन्सार हुँदै आउन नसक्ने अवस्था रहेको उनीहरूको भनाइ छ । त्यसको विकल्पमा कतिपय सवारीसाधन सुनौली भन्सार नाका प्रयोग गर्न बाध्य हुने गरेका छन ्। भारतसँग जोडिएको महेशपुर भन्सारको व्यापारिक सम्भावना बढाउन सडक पूर्वाधार विस्तार गरिए पनि मुख्य अवरोधका रूपमा ...
