नवलपरासी,२१ असोज
चर्को ब्याज असुली गर्ने(मिटरब्याजी) साँहुको विरुद्धमा संघर्ष गर्दै आएका पिडितहरुले आफ्ना विभिन्न माग राखेर स्थानिय सरकारका प्रमुखलाई ध्यानाकर्षण पत्र बुझाएका छन् । मिटरब्याज विरुद्ध किसान मजदुर आन्दोलन नेपाल नवलपरासीले स्थानिय सरकारका प्रमुखलाई किसानको जग्गाको लिलामी प्रकृयाका लागि घरगोठ सिफारिस गर्दा एक पटक सम्बन्धित किसानसँग छलफल गराएर मात्र गर्नु पर्ने माग राखेका हुन् ।
ऋण दिदा दिएको रकम भन्दा बढिको रकम उल्लेख गरि कागजातमा सहि छाप गराएका मिटरब्याजी साँहुले अहिले उतm जग्गा लिलाम विक्रि गर्दा किसान भुमिहिन बन्ने अवस्थामा पुगेका छन् । न्यायका लागि एक पटक स्थानिय तहबाट घरगोठ सफिारिस गर्दा मिटरब्याजसँग जोडिएका जग्गाको धनिसँग छलफल गराई मात्र दिनु हुन उनीहरुले अनुरोध गरेका थिए । मिटरब्याज विरुद्धको किसान मजुदर आन्दोलन नेपाल नवलपरासीका अध्यक्ष कुल बहादुर थापा सहितको टोलीले साँहुहरुले चर्को ब्याज असुल्दै लगेको र अहिले सरकारले कानुन नै बनाएर राजपत्रमा प्रकाशित गरेको अवस्थामा पनि कानुनी छलछाम गर्दै जग्गा हड्पने दाउमा लागेको आरोप लगाएका थिए ।
मंगलवार सरावल गाउपालिका प्रमुख शुखाडी प्रसाद चौधरीलाई उतm ध्यानाकर्षण पत्र बुझाउदै आग्रह गरेका थिए । मिटरब्याजसँग जोडिएका कित्ता नम्बर सहितको विवरण गाउपालिकाको न्यायिक समिति र वार्ड कार्यालयमा बुझाउन आग्रह गर्दै अध्यक्ष चौधरीले सकेसम्म मेलमिलापको माध्यमले न्याय दिलाउनमा आफुले सहजीकरण गर्ने प्रतिवद्धता जनाएका थिए ।
