विद्यालयमा भ्रष्टाचार विरुद्धको नागरिक निगरानी सस्था (सिटिजन जुरी) द्धारा अनुगमन
नवलपरासी,३१ भदौ
जिल्लाको रामग्राम नगरपालिका १८ स्थित राष्ट्रिय माध्यमिक विद्यालयमा भ्रष्टाचार विरुद्धको नागरिक निगरानी सस्था(सिटिजन जुरी)ले अनुगमन गरेको छ । सो विद्यालयमा सौचालय नजिकै बालविकास केन्द्र राख्दा सौचालय दुर्गन्धि भई साना बालबालिकालाई प्रभावित बनाएको गुनासो बढे पछि जुरीले अनुगमन गरेको हो ।
सौचालय नजिकै पहिला विद्यालयको अफिस रहेको हुदा दुर्घन्ध आउने हुदा बालविकास सञ्चालन हुदै आएको कक्षामा आफिस सार्ने र दुर्गन्धि क्षेत्र तर्फ गुनासो समेत राख्न नसक्ने साना बालबालिका रहको बालबाविकास केन्द्र सञ्चालन गरेको गुनासो स्थानियले जुरीलाई गरेका थिए । स्थानियको गुनासो अनुसार नै सो विद्यालयमा अनुगमन गरिएको जुरीका अध्यक्ष रामजी ज्ञवालीले बताए । उनका अनुसार नागरिक समाज नवलपरासी र उपभोक्ता हित संरक्षण मञ्चका प्रतिनिधिहरु समेत सहभागि रहेका थिए ।
विद्यालयमा स्थलगत गर्दा बालबालिका केन्द्र र भान्सा सौचालय नजिकै रहेको भेटियो,उनले भने,अनुगमन हुने पुर्व सुचना अनुसार सौचालय सफा गरिएको हुदा दुर्गन्ध कम भए पनि यदि सौचालय सफाईमा ध्यान नपुगेको खण्डमा सो क्षेत्र दुर्गन्धित बनाउन सक्ने छ । यसलाई ब्यवस्थित गर्नका लागि सुझाव समेत विद्यालयलाई दिइएको उनको भनाई थियो । विद्यालयसँग ४९ विघा जग्गा सम्पति भएको तर विद्यालय स्थानमा जग्गा थोरै भएको कारण विद्यालय ब्यवस्थापनमा चुनौती रहेको विद्यालय ब्यवस्थापन समितिका अध्यक्ष सिताराम चौधरीले बताए ।
उनका अनुसार विद्यालयमा बैकल्पिक सौचालयको आवश्यकता रहेको छ । विद्यालयमा इ हाजिरी विग्रेको छ । विज्ञान प्रयोगशाखाका समाग्रि छैन् । माध्यमिक तह सञ्चालन भई रहे पनि प्रधानाध्यपक दिपक भट्टराई बाहेक सबै दरबन्दी प्राथमिक तहको छ । यसबारे नगरपालिकाको शिक्षा शाखामा पटक पटक जानकारी गराई सकिएको तर आपुर्ति भने नभएको उनको गुनासो थियो । जुरीबाट आएको अनुगमनलाई हामीले अवसरको रुपमा लिएका छौ,उनले भने, यहाँका समस्या सम्बन्धित निकायमा पुग्नेमा विश्वस्त छौ । विद्यालयमा ३ सय ४० जना बालबालिका अध्ययनरत छन् । १६ जना शिक्षक दरबन्दी छ । दिवा खाजा खाने १ सय ४९ बालबालिका रहेको उनले जानकारी गराएका थिए । बालबालिकालाई खाजा तालिका अनुसार नै खाजा खुवाउदै आएको भए पनि अन्य बालबालिकाहरु बाहिरका ठेलामा चटपट जस्ता खाजा खान जाने गरेको गुनासो उनको थियो ।