नवलपरासी,१२ भदौ
नवलपरासी जिल्ला उद्योगका लागि उर्वर भुमिसँगै उद्योग मैत्री स्थल बन्दै गएको उद्योग बाणिज्य संघ नवलपरासीका बरिष्ट उपाध्यक्ष नगेन्द्र कुमार अग्रहरीले बताएका छन् । परासी प्रेस क्लबको साक्षात्कार कार्यक्रममा बोल्दै उनले सो कुरा बताएका हुन् ।
सगम जिल्ला,भारतसँग महेशपुर र सुनौली दुई प्रमुख नाकासँगै विद्युतको बहु विकल्प बन्नु नै ठूला उद्योगको आकर्षण यस जिल्लामा बढदै गएको उनले सुनाएका । नेपालको मध्यमागमा अवस्थित यो जिल्ला भारतको विहार र उत्तर प्रदेशलाई पनि जोड्छ, उनले भने, पश्चिम नेपालको मुल ढोका पनि पश्चिम नवलपरासीको दाउन्नेडाडा रहेको छ । यो जिल्लाबाट भारतमा निर्यात मात्रै नभई नेपालकै सबै भागमा उत्पादित मालबस्तु पुर्याउन सहज वातावरणले जिल्ला उद्योग मैत्री जिल्लाको रुपमा चिनिन थालेको छ, उनले थपे,शान्ति सुरक्षाले पनि यो जिल्ला सहज बन्दै गएको छ । उद्योगका लागि आवश्यक कच्चा पदार्थ झिकाउन पनि सहज अवस्था यो जिल्लामा रहेको छ ।
यसलाई नेपालका तिन तहकै सरकारले बुझेर लगानी गर्न र लाभ लिन सक्ने योजना बनाउन सक्नु पर्छ,बरिष्ठ उपाध्यक्ष अग्रहरीले भने, ठूला उद्योगसँगै साना,घरेलु तथा लघु उद्यमको पनि विकास होस भनेर संघले कार्ययोजना बनाएर काम गर्ने लक्ष्य लिएको छ । जिल्लाबासीमा वित्तिय सचेतना तथा उद्योगी ब्यवसायिमा कर सचेतना आवश्यक देखिएको उनले औल्याएका थिए । पहिलाका जस्ता उद्योग प्रदुषण युतm हुनु भन्दा अहिले कम प्रदुषण गर्ने खालका प्रविधि सहितका उद्योगहरु लाग्दै आएको सुनाएका थिए । नवलपरासीमा हाल एक खर्ब भन्दा बढि लगानी उद्योग क्षेत्रमा गरिएका छन् ।
