नवलपरासी,३ भदौ
जिल्लाको सदरमुकाम परासी स्थित निर्माणकार्य सम्पन्न दुई बर्ष भईसक्दा पनि सञ्चालनमा नआउदा अलपत्र परेको छ । दुई बर्ष पहिला नै सञ्चालनमा ल्याउने हल्ला भए पनि सञ्चालनमा ढिलाई हुदा सो बसपार्क अलपत्र अवस्थामा देखिएको हो ।
बसपार्क सञ्चालनमा नआउदा करोडौको सरकारी लगानी खेर गई रहेको स्थानियले जनाएका छन् । बसपार्क बनाउन भनेर नगरपालिकाकै आग्रहमा स्थानियले उपयोग गर्दै आएको सार्वजनिक जग्गा बसपार्क निर्माणका लागि दिन सहमत भएका थिएन,एक स्थानियले भने,तर अहिले निर्माण भई सकेको बसपार्क दुई बर्ष देखी अलपत्र हुदा दुःख लागेको छ । लामो समय देखी सदरमुकाम परासीमा बसपार्क निर्माण हुनु पर्ने माग हुदै आएको थियो । सो माग अनुसार नै सरकारले बसपार्क बनाईदिएको छ । बसपार्कको सबै काम सम्पन्न भएको दुई बर्ष पुग्यो,तर किन सञ्चालनमा आउन नसकेको होला भनेर स्थानियबासी आश्चर्य ब्यतm गर्दै आएका छन् ।
बसपार्कमा अझै पनि केही काम गर्न बाकी देखिएका छन्,उनले भने,ति पुरै काम सम्पन्न गरेर मात्र सञ्चालनमा ल्याइन्छ । बसपार्क नगरपालिकाले कसरी सञ्चालन गर्नेबारे पनि आन्तरिक तयारी भई रहेको बताउदै उनले निजी क्षेत्रसँग सहकार्यमा सञ्चालन गर्ने कि नगरपालिकाले अन्य प्रकृयाहरु पुरा गरेर आफै सञ्चालनमा ल्याउने निधो हुन बाकी रहेको जानकारी गराए । बसपार्क निर्माण भई सकेको हुदा जति सक्दो छिटो सञ्चालनमा ल्याउने नगरपालिकाले काम गरि रहेको छ । छिटै नै सञ्चालन होस भन्ने चाहना नगरपालिकाको रहेको छ । तर केही प्राािवधिक कठिनाईहरु पनि छन् । अन्य स्थानको बसपार्क सञ्चालनबारे प्रकृयाको अध्ययन गर्ने काम पनि भई रहेका छन् ।
रामग्राम नगरपालिका वार्ड नं.४ केरवानी स्थित झरहीखोला किनारमा ५ करोड भन्दा बढि रकम खर्चेर निर्माण भई सकेको निर्माण कम्पनीले जनाएको हो । दुई बर्ष पहिला नै बसपार्कको निर्माण कार्य सम्पन्न गरि शहरी शाखाको जिम्मा लगाइ सकिएको निर्माण कम्पनीका प्रतिनिधि उमेश जैसवाल (गुप्ता)ले जानकारी गराएका थिए । उनका अनुसार बसपार्कमा बस राख्ने स्थान,कार्यालय भवन,सौचालय,कम्पाउण्ड,उद्धान,प्रवेशद्धार,शुरक्षा गार्ड कक्ष लगायतका पुर्वाधार बनिसकेको छ । सबै पुर्वाधारहरुको रंगरोदन समेत भई सकेको अवस्था छ । शहरी तथा भवन कार्यालयले आफ्नो कार्य सम्पन्न गरिसकेको जस्तो देखिएको छ ।
वृक्षारोपण लगायतका कार्यले बसपार्क हराभार भई सकेको अवस्था छ, एक स्थानियले भने, तर बसपार्क सञ्चालन नहुदा स्थानियलाई मर्निगँवाक गर्ने स्थान,सवारी साधान चलाउने र सिक्ने स्थान र उद्धानमा भैसी चर्ने अवस्थामा भेटाउन सकिन्छ । बसपार्क सञ्चालनमा नल्याउदा सदरमुकाम परासीका बसहरु बाईपास चोक नजिकै निजी जग्गामा भाडा तिर्दै बस स्टयाण्डको रुपमा प्रयोग गर्दै आएका छन् । जस्ले सडकमा समेत अवरोध सृजना भई रहेको छ । बसपार्क सञ्चालनमा ल्याउदा बजारमा ट्रफिक समस्या पनि समाधान हुने,नगरपालिकालाई आयश्रोतको रुपमा पनि उपयोग गर्न सक्ने अवस्था हुन्थ्यो,तर यो बसपार्क माल पाएर चाल नपाएको उख्खान चरितार्थ देखिन्छ ।
बसपार्क सञ्चालन गर्नका लागि अतिआवश्यक पुर्वाधारको निर्माण गरि दुई बर्ष पहिला नै कार्यालयले हस्तानान्तरण पत्रमा हस्ताक्षर गरि कार्यालयले रामग्राम नगरपालिकालाई बुझाई सकेको कार्यालयबाट नवलपरासीको साइट हेर्ने सब इन्जिनियर विरेन्द्र मण्डलले जानकारी गराएका थिए । अन्य पुर्वाधार विस्तारै बनाउदै जाने प्रतिवद्धता समेत कार्यालयको थियो,उनले भने,तर नगरपालिकाले चाँसो लिएर बसपार्क सञ्चालन गर्न पथ्र्यो,तर पुर्ण पुर्वाधार नबनेको र हस्तानान्तरण नभएको भन्दै सञ्चालन प्रकृयाबाट नगरपालिका पन्छिन खोजेको समेत उनको भनाई थियो ।
उनका अनुसार एउटा पुर्वाधार हस्तानान्तरणको जिम्मेवारी नलिदा नगरपालिकाको आर्को परियोजनालाई असर पार्न सक्छ,उनले भने,हस्तानान्तरण लिएको स्वीकार नगर्नु भन्दा ति आयोजना निरन्तरता भई रहेको बुझिन्छ,जस्ले गर्दा आर्को आयोजना थप्नलाई प्राविधिक कठिनाई हुन्छ,बसपार्क हस्तानान्तरण नलिई सञ्चालनमा नल्याउनु नगरपालिकाकै लागि पुर्वाधार आयोजना घाटा पनि हो । त्यसले गर्दा यस प्रति विचार पुर्याएर छिट्टो बसपार्क सञ्चालनमा ल्याउनु पर्छ । अब स्थानिय प्रशासनले पनि यस क्षेत्रका लागि आवश्यक सुरक्षा प्रबन्ध गरिदिनु पर्छ । बसपार्क नजिकै अब प्रहरी विटको पनि आवश्यकता रहेको छ । शहरी तथा भवन कार्यालय चितवनको लगानीमा विगत पाँच बर्ष देखी काम भई रहेको थियो ।
बसपार्क नहुदा सदरमुकामा आउने जाने बस तथा यात्रुबाहक यातायातका सवारी साधन राख्ने स्थानको समस्या देखिएको थियो । अहिले पनि बसहरु सडक छेउमै उभ्याउने गरिएको छ, । यसले बजार क्षेत्रमा दुर्घटना निम्त्याउने गरेको छ । अहिले पनि सडकको एक लैन बस तथा यातायातका साधनले नै ओक्टेर बस्दा सो सडकमा आउ जाउ गर्ने अन्य यात्रीलाई सास्ती हुने गरेको छ । पहिला बसपार्क थिएन् । बस र यातायातका साधन कहाँ राख्ने भन्ने बहना थियो । अब बसपार्क बनिसकेको छ । स्थानिय प्रशासन र ट्रफिक प्रहरीले पनि अब यातायात ब्यवस्थापनमा चाँसो लिनु पर्छ ।
बसपार्क परासी बजारका लागि एउटा गहना जस्तै पुर्वाधार थपिएको छ । झण्डै पाँच करोड लगानीमा बनेको उतm बसपार्क सञ्चालनमा आएन भने बसपार्क बनेको अर्थ रहदैन् । परासीबाट महेशपुर,भैरहवा,त्रिवेणी,काठमाडौ,बुटवल जाने सवारीसाधनहरु छुट्टने गर्छ । बसपार्कबाटै अब ति रुटमा चल्ने सवारीसधानहरु छुट्ने हुदा बजारको चोक चोकमा जम्मा भई रहेका सवारी साधन त्यहाँ रुक्न पाउदैथ्यो । बसपार्कबाट सवारीसाधन छुट्ने र अआफ्नो रुटमा जाने हुदा धेरै जसो बजार क्षेत्रको अब्यवस्थित ट्रफिक ब्यवस्थापन हुने थियो । बाहिरबाट आएका सवारी साधन पनि केही समय बजारमा रोक्न पर्यो भने पनि समस्या हट्ने थियो । बसपार्कले केरवानी क्षेत्रमा बजारको समेत विकास हुने थियो । बसपार्क सञ्चालनबारे प्रतिकृया दिदै नगरपालिकाकी उपमेयर बसपार्क सञ्चालन गर्नु पर्ने आवश्यकता त देखिएको बताईन् । यसबारे आफुले नगरकार्यपालिकामा कुरा राख्ने जानकारी गराईन् ।
