नवलपरासी,१० साउन
लुम्बिनी प्रदेश सरकारका मुख्यमन्त्री चेतनारायण अचार्यले अस्पतालमा आउने विरामीहरुलाई विभिन्न बहाना र बखेडा झिक्दै रिफर गर्ने परिपाटी हउटाउन चिकित्सक तथा स्वास्थ्यकर्मीहरुलाई निर्देशन दिएका छन् । जिल्लाको पृथ्वीचन्द्रको ५० सैयाको नवनिर्मित अस्पतालको उदघाट गर्दै उनले सो कुरा बताएका हुन् ।
सरकारी अस्पताल विपन्न गरिब लक्षित अस्पताल हुन,उनले भने,गरिब बिपन्न बर्गको आशा र भरोसा राख्ने यो सरकारी अस्पतालले सकेसम्मका सेवा निशुल्क र सहुलियत रुपले उपलब्ध गराउनु पर्छ । पैसो हुनेले निजी अस्पताल गईहाल्छन्,तर गरिब विपन्न बर्गको पहुँच ति अस्पतालहरुमा हुदैन्,उनीहरुको पहुँच यिनै सरकारी अस्पताल भएको हुदा आउने गर्छन् । जनशतिm पुर्वाधार,उपकर औजारका लागि लुम्बिनी प्रदेश सरकार लगानी गर्दै आएको र अझै पनि स्वास्थ्य क्षेत्रमा लगानी बढाउने लक्ष्य रहेको छ । नेपालका हरेक नागरिकको स्वास्थ्य पाउने अधिकार संबैधानिक अधिकार हो,त्यसको प्रत्याभुति गराउने सरकार,सरकारी कर्मचारीको प्रमुख दायित्व हो, उनले सम्बोधन गर्दै भने,पृथ्वीचन्द्र अस्पताल पनि रिफरल अस्पताल भएको कुरा बेला बेला सुन्ने गरिएको छ,अबका दिन देखी त्यस्तो अवस्था नहोस । स्रोत अभावको परिपुर्ति गर्न सरकार तम्तयार छ ।
यसका लागि जिल्लाका जनप्रतिनिधि,राजनीतिक ब्यतिmत्व अगुवा सचेत बर्गले पनि ध्यान दिईनु पर्ने उनले औल्याएका थिए । लुम्बिनी प्रदेश सरकारको गठन पश्चात नै प्रदेश सरकारले पहिलो प्राथमिकतामा जिल्लाका अस्पतालको स्तरोन्नती,गुणस्तर वृद्धि,सेवा विस्तार,पुर्वाधार निर्माणलाई महत्वका साथ काम गरेको र सोही अनुरुप नै १४ करोड बढिको लागनीमा अस्पताल भवन निर्माण भएको लुम्बिनी प्रदेश सरकारका पुर्व भौतिक पुर्वाधार विकास मन्त्री बैजनाथ चौधरीले बताएका थिए । अहिले सो भवन निर्माण भई उदघाटन भएको छ, उनले भने, अब पुर्वाधार भयो,पुर्वाधार अनुसारको सेवा विस्तार,गुणस्तरिय सेवा प्रदान गर्न अस्पताल प्रशासन,ब्यवस्थापन र सरकार लाग्नु पर्ने औल्याएका थिए । अस्पतालले क्रमश ः सेवा विस्तार गर्दै लगेको अस्पतालका अध्यक्ष जगदिश चौधरीले बताएका थिए । उनले हालै अस्पतालमा पित्तथैलीको शल्यक्रिया(अप्रेनस) सफलता पुर्वक सम्पन्न भएको जानकारी गराएका थिए ।
विगत भन्दा शर्जिकल सेवा थपिदै गएको छ, उनले भने, अगामी दिनमा यस अस्पतालमा विरामीलाई सघन हेरचाह गर्नका लागि इनसेन्टिभ केयर युनिट (आईसियु) सञ्चालन ल्याउने तयारीमा समेत प्रशासन जुटेको छ । त्यसको लागि आवश्यक ब्यवस्थापनमा ब्यवस्थापन समिति पनि सक्रिय भएर काम गर्दै आएको छ । अहिले नयाँ भवनको उदघाटन सम्पन्न भएके छ । अब आईसिय सेवाका कार्य ब्यवस्थापनमा अस्पताल ब्यवस्थापन लाग्ने छ । अस्पताल नाफा नोक्सान भन्दा सेवा प्रधान मान्यता लिई काम गर्नु पर्ने थलो हो । अहिले अस्पतालमा टिमवर्क हुन थालेको छ । प्रशासन?ब्यवस्थापन र चिकित्सक स्वास्थ्य प्राविधिकहरु मिलेर काम गरियो भन्ने स्रोत जहाँ पनि जुटाउन सकिने उनले विश्वास ब्यतm गरेका थिए ।
चौविसै घण्टा नर्स,मेडिकल अधिकृत र मेडिसिनका चिकित्सकहरुलाई आईसियुका लागि राख्नु पर्छ । यसले गर्दा प्रदेश सरकारले यदि यो स्रोत सुनिश्चित गरिदिदा सञ्चालनमा ल्याउन सकिने उनको भनाई थियो । आईसियु सञ्चालन भयो भन्ने डायलसिस,जटिल प्रकारका सर्जरी,सर्पदंश उपचारका लागि समेत सहयोगी हुने थियो । यस्ता उपचारमा जटिलता आउने गर्छ,त्यसका लागि आईसियु अतिआवश्यक पर्छ । आईसियु नहुदा यि सेवाहरु प्रभावकारी हुन सकेका छैनन् ।
अस्पतालको पुरानो भवनमा रहेको आकस्मिक कक्षलाई ब्यवस्थित गरि डायलसिस सेवा शुभारम्भ गरिएको थियो । ५ वटा बेड राखेर उतm सेवा सुचारु गरिएको उनले जानकारी गराएका थिए । दुई दिन देखी विरामी सम्पर्कमा आउदै सेवा लिन थालेका छन्, चार जना विरामीको सफल डायलसिस भएको छ, । तत्काल सेवा अस्पतालकै खर्चमा सञ्चालनमा आएको छ । विरामीहरुले अन्य अस्पतालमा सेवा लिदै आएका थिए । तर ति अस्पतालबाट रेकर्ड सारेर आएको छैन् । त्यो भएर सरकारले प्रदान गर्ने डायलसिस सेवा वापतको रकम उपलब्ध गराउदैन् । तर विरामीको माग अनुसार नै सेवा सुचारु गरि सकिएको छ ।
अस्पतालका कर्मचारी,चिकित्सक तथा स्वास्थ्यकर्मीलाई चुष्तदुरुष्त बनाउदै अस्पतालको सेवा प्रवाहलाई प्रभावकारी बनाउनमा मिलेर अगाडी बढने समेत उनले सुनाएका थिए । अझै पनि अस्पतालमा आँखा उपचारका लागि नेत्र रोग विशेषज्ञ सिमा भण्डारी र नेत्र सहायक समेत अस्पतालमा भए पनि उचित उपकरण अभावले आँखाको अप्रेसन हुन सकेको छैन । आँखाका लागि विशेषज्ञले समान्य आँखा परिक्षण गर्ने कार्य मात्रै भई रहेको छ । ५० सैया अस्पतालमा बहिरँग विभाग अन्तरगत नै आँखा परिक्षणका सेवा समेत सञ्चालन गर्नु पर्ने मान्यता अनुसार अस्पतालले सो आँखा परिक्षणका लािग विभाग बनाउने योजना ल्याएको थियो ।
स्वास्थ्य बिमा गराएका अस्पतालमा नियमित उपचार गराउने मधुमेह तथा रतmचाप लगायतका विरामीलाई औषधी चलाउदा आँखामा समेत असर पर्ने हुदा त्यसको समेत नियमित परिक्षण गर्नु पर्ने भएकोले अस्पतालले आँखा परिक्षणको सेवा थप गर्न लागेको अस्पताल ब्यवस्थापनले जानकारी गराएको हो । आँखाको उपचारका लागि मोतिविन्दु अप्रेसन लगायत आँखाका अप्रेसन पनि बिमा गराएका विरामीले यहिँ सेवा सहुलियत सेवा पाउन सक्ने हुदा आँखाको अप्रेसनका लागि पनि अस्पताल ब्यवस्थापन लाग्ने उनको भनाई थियो । सर्जरीका लागि पनि अस्पतालले बेहोस बनाउने जनशतिm पनि राखि सकेको हुदा अस्पतालको सेवाको गुणस्तरियतामा अब प्रश्न उठ्ने कुरा नहुने विश्वास गरिएको उनको भनाई थियो । पहिला विभिन्न विषयका विशेषज्ञ चिकित्सक सेवा दिदै आएको अस्पतालमा रेडियोलोजिष्ट नहुदा भिडियो एक्सरे गर्ने र विश्लेषण गरि रिपोर्ट दिने अवस्था नहुदा उपचारमा केही समस्या भए पपिछ अहिले अस्पतालमा रेडियोलोजिष्टको उपस्थितीले सेवासँगै गुणस्तरिय सेवा विरामीले पाउन थालेको अस्पतालले जनाएको छ ।
