नवलपरासी,३१ असार
विद्युतको बहुविकल्पक दाबी गरिएको जिल्लामै पटक पटक विद्युत कट्ने,भोल्टेज कम हुने हुदा उद्योग बाणिज्य संघ नवलपरासीले नेपाल विद्युत प्राधिकरण परासी विद्युत वितरण केन्द्रको ध्यानाकर्षण गराएको छ । संघका अध्यक्ष ओमप्रकाश अग्रहरी र लेखा समितिका संयोजक अर्जुन क्षेत्री सहितको टोली केन्द्रमा पुगेर विद्युतको समस्याबारे अवगत गराउदै ध्यानाकर्षण गराएका हुन् ।
बाहिर प्रचार विद्युतको बहुविकल्प भएको जिल्ला नवलपरासी भन्ने तर अहिले भोल्टेज कम र घण्टा घण्टामा ट्रिप जाने समस्याले गृहस्त मात्रै नभई उद्योगी ब्यवसायि समेत मारमा परेको गुनासो संघका प्रतिनिधिहरुले गरेका थिए । कम भोल्टेजका कारण धेरै विद्युत उपकरण चल्ने अवस्था छैन्,अध्यक्ष अग्रहरीले भने,तर विद्युतको मिटर उत्तिकै उठ्ने अवस्था छ । कम भोल्टेजका कारण विद्युत तार तातिएर आगलागी हुने त्रास पनि बढदै गएको हुदा यसको समाधान कसरी हुने बारे जिज्ञासा समेत राखेका थिए । विद्युतको समस्या समाधानका लागि संघले के गर्न पर्यो सुझाव माग्दै अध्यक्ष अग्रहरीले केन्द्रको तर्फबाट हुने सबै प्रयास गरेर अनियमित विद्युत कटौती रोक्नु पर्ने र भोल्टेजको समस्या समाधान गर्नु पर्नेै औल्याएका थिए ।
उद्योग मात्रै नभई विद्युतमा आधारित कम्प्युटर लगायतका उपकरण चलाउनमा समस्या आई रहेको लेखा समिति संयोजक क्षेत्रीको भनाई थियो । पटक पटक विद्युत कटौती हुदा विद्युतीय समाग्रिको क्षमता ह्रास हुुनुका साथै विग्रिने समस्या उत्तिकै भई रहेको गुनासो गरेका थिए । यसले लाखौका नोक्सानीहरु भईरहेको हुदा समाधानको बाटो खोज्नु पर्ने उनले माग गरेका थिए । यता आफ्ना ग्राहकहरुलाई विद्युत आपुर्ति ब्यवस्था चुष्तदुरुष्त बनाउदै बैकल्पिक विद्युत आपुर्तिको ब्यवस्थानमा लागेको दाबी केन्द्रका कर्मचारीले गरेका थिए । विभिन्न प्रसारणलाईन अन्रतगतका पाँच वटा सब स्टेसनबाट वितरण केन्द्रले विस्तार गरेको विद्युत आपुर्ति सञ्जाल मार्फत बहु विकल्पको ब्यवस्थानमा लागेको विद्युत केन्द्रको दाबी थियो । तर अहिले कतिपय स्थानमा विद्युत गृहहरुमा क्षति भई प्रयाप्त मात्रामा विद्युत आपुर्ति हुन नसकिरहेको र भोल्टेजका लागि सुनवलमा विद्युत प्रशारणलाईनमा स्थानियको अवरोध हुदा विद्युत जोड्न नसकेर पनि समस्या आएको बताएका थिए । यसका लागि संघले पहल गरिदिन पनि विद्युत कर्मचारीले आग्रह गरेका थिए ।
परासी क्षेत्रमा विभिन्न विकल्प भएको विद्युत सञ्जाल बन्दै जादा उद्योग खुल्ने क्रम पनि बढदै गएको छ । परासी विद्युत वितरण केन्द्रले ग्राहकलाई सधै भरि पुर्ण भोल्टेज क्षमताको विद्युत आपुर्ति गर्न सकियोस भनेर विभिन्न पाँच वटा विद्युत सब स्टेसनबाट विद्युत आपुर्तिको ब्यवस्थाका लागि प्रसारणलाईन सञ्जाल विस्तार भई रहेको केन्द्र प्रमुख इन्जिनियर सुरज रेग्मीले जनाए । अहिले बहुविकल्पका सबै नेटवर्किगँ हुन सकिरहेको छैन्, उनले थपे,त्यसमा पनि सिस्टममा अवरोध आए पुनःसञ्चालनमा ल्याउनका लागि पनि एक घण्टासम्म पनि लाग्न सक्ने अवस्था छ । गर्मिमा माग बढि ,आपुर्ति कम छ,तर पनि विद्युतका समस्या समाधानका लागि निरन्तर टोली खटाएर काम गराउदै आएका छौ । स्थानिय स्तरबाट हुने समाधान तत्कालै गर्छाै तर केन्द्रिय स्तरबाट हुने समस्यालाई केही समस्य लाग्ने गरेको छ ।
उनका अनुसार यस क्षेत्रमा विद्युत आपुर्ति गर्नका लागि विभिन्न पाँच वटा सव स्टेसनसँग सञ्जाल जोडिदै छ । तिन वटा स्टेसनसँग विद्युत सञ्जाल जोडि सकिएको छ । दुई वटा स्टेसन मध्ये हुकई सब स्टेसन निर्माणाधिन छ । उनका अनुसार अहिले पनि घरेलु ग्राहकलाई मात्रै दैनिक १० देखी १२ मेगावाट विद्युत वितरण भई रहेका छन् । उद्योगमा पनि दैनिक ६० देखी ७० मेगावाट विद्युत सप्लाई भई रहेको केन्द्र प्रमुख रेग्मीले बताए । यसरी परासी विद्युत केन्द्रले दैनिक ८० देखी ९० मेगावाट विद्युत वितरण गरि रहेको छ । बुटवल ३३ केभिए प्रसारण लाईन,न्यु बुटवल ३३ केभिए प्रसारण लाईनसँग पनि विद्युत जोडिदै छ ।
ज्यामिरेको ३३ केभिए प्रसारण र गण्डक प्रसारणलाईनसँग पनि विद्युत सञ्जाल जोडिएको छ । नेपालको पुर्वि क्षेत्रबाट पनि केही महिनामै जिल्ला जोडिने केन्द्रले जनायो । नेपाल सरकारको उद्योग मन्त्रालयले पनि यस क्षेत्रमा औद्योगिक क्षेत्रमा विद्युत आपुर्तिका लागि विद्युत परियोजनामा लगानी गरेको मध्ये नवलपरासी पनि एक जिल्ला परेको छ । परियोजना कार्यालयले विद्युत प्रसारणलाईनहरु विस्तार गर्दै स्टेसन निर्माण गर्दै आएका छन् । जिल्ला भित्र सय भन्दा बढि उद्योग खुलि सकेका छन् । केही खुल्ने क्रममा रहेका छन् । ति उद्योगले यहाँको कच्चा पदार्थ र वातावरणीय शुरक्षा भन्दा विद्युत आपुर्ति सहजतालाई देखेर प्राथमिकतामा राखेर उद्योग खोल्दै आएका छन् ।
उद्योगहरु थपिदै जादा विद्युतको पुर्तिका लागि विद्युत केन्द्रले पनि सबै प्रकारका प्रसारणलाईनसाँग सञ्जालन जोड्ने र स्टेसनको ब्यवस्थापनका कार्य गर्नु परेको केन्द्रले जनाएको छ । भविष्यमा यो क्रम बढने उनको भनाई थियो । अहिले विद्युतका सबै ग्राहकको रेकर्ड विद्युयि माध्यमद्धारा केन्द्रले नै रिडिगँ गरिरहेको छ । कस्को के कति बक्यौता समेत केन्द्रले नै त्यहीबाट सिस्टमले हेर्ने गरेको उनले सुनाए । विद्युत वितरण केन्द्रले प्राधिकरणको निर्देशनको फ्लो गर्ने काम मात्रै रहेको छ ।
विद्युतका तारपोल पुराना र केही जिर्ण अवस्थामा पनि छन्,त्यसलाई पुनस्र्थापन गर्ने कार्य समेत केन्द्रले गर्दै आएको र नयाँ समेत विस्तार गर्ने क्रमसँग सँगै भई रहेको उनले जनाए । विद्युत सप्लाईमा अझै पनि धेरै प्रकारका अवरोधहरु छन्,त्यसबारे स्थानियहरु पनि जागरुक हुनु पर्ने उनको आग्रह थियो । एक जनाको लापर्वाहीका कारण धेरैको विद्युत आपुर्ति बन्द भएर असर पर्न सक्ने हुदा यसबारे स्थानिय तहका जनप्रतिनिधिहरुले पनि सहजीकरण गर्नु पर्ने भन्दै विद्युत आपुर्तिमा रुख विरुवा,आधी हुरी,सडक पुर्वाधार निर्माण जस्ता समस्याले केही कठिनाईहरु थपिदै गएको छ । विद्युत चोरी धेरै मात्रामा घटिसकेको छ,उनले भने,तर वातावरणिय रुपमा अझै पनि धेरै समस्याहरु रहेका छन् । यसलाई सबै पक्षबाट सहयोग हुन आवश्यक छ ।
