नवलपरासी, २४ असार
जिल्लाको सुस्ता ५ ठाढीघाट (अनोमाघाट) लाई नेपाल पर्यटन बोर्डले अनोमा प्रबज्या स्थल घोषणा पछि निजी क्षेत्रको पनि चाँसो बढेको छ । उद्योग बाणिज्य संघ नवलपरासीले बोर्डको निर्णयको स्वागत तथा आभार ब्यतm गर्दै पर्यटन उद्योगका लागि अवसर सृजना भएको विश्वास गरेको छ ।
उद्योग बाणिज्य संघका अध्यक्ष ओम प्रकाश अग्रहरीले पत्रमार्फत नेपाल पर्यटन बोर्डलाई आभार ब्यतm गर्दै अनोमाघाटलाई पर्यटकिय क्षेत्रको रुपमा विकास गर्न अगामी दिनमा सबै मिलेर लाग्न आग्रह समेत गरेका थिए । अनोमा घाटलाई देश विदेशमा बौ्रद्ध तिर्थ स्थलको रुपमा विकास गर्नका लागि सो क्षेत्रका साँसद,मन्त्री,स्थानिय तह र संघसस्था सबैले माग गर्दै आएका थिए ।
संघ सहित अहिले अनोमाघाटलाई पहिचान गराउन र लगानीका बढाउनका लागि लुम्बिनी प्रदेश सरकारका बन तथा वातावरण मन्त्री समेत रहेका सोही क्षेत्रका प्रदेश साँसद देवकरण कलवारले अगामी आर्थिक बर्षमा बौद्ध शिश महल निर्माणका लागि ३० लाख रुपिया विनियोजन गरिएको र सो क्षेत्रमा वृहद बौद्धकालिन वृक्षको वृक्षारोपण गरिने समेत जानकारी गराएका छन् । सुस्ता गाउपालिकालाई यहिँ २०८२ साल असार १५ गते पत्राचार गर्दै उतm स्थल बौद्धमार्गीको एक महत्वपुर्ण तिर्थस्थल पर्यटकिय क्षेत्र भएको घोषणाबारे जानकारी गराएको थियो ।
यसै विच माहाभिनिष्क्रमण दिवस २०८२,को शुभ अवसरमा आयोजित दिप प्रज्वलन तथा अनोमघटलाई प्रबज्जा स्थल घोषण भएकोमा नेपाल पर्यटन बोर्ड बाट मान्यता सहित यस स्थानलाई धार्मिक पर्यटनको एक नयाँ गन्तव्य बारे जानकारी तथा छलफल हुने भएको छ । सर्व धर्म शान्ति समाज मिसन अनोमा नेपालको सह आयोजना तथा सुस्ता गाउपालिकाद्धारा आयोजित उतm छलफल कार्यक्रममा सरोकारवालालाई सहभागीका लागि अनुरोध छ । उतm छलफल कार्यक्रम यहिँ असार २६ गते विहान ९ बजे सुस्ता–५,अनोमाघाट (ठाडीघाट) हुने जानकारी गराइएको छ ।
नेपाल विश्व माझ गौतम बुद्धको जन्मस्थल को रुपमा प्रचलित रहेको र भगवान बुद्ध (सिद्धार्थ गौतम) र बौद्धधर्मावलम्बिहरुको लागि विशेष महत्व राख्ने स्थानहरुका लागि प्रसिद्ध भएकै कारण नेपाल बौद्ध धर्मावलम्बीहरुको लागि एक धार्मिक पर्यटकिय गनतब्य रहदै आएको छ । यस सन्दर्भमा अनोमा नदी (नारायणी नदी) को किनारमा अवस्थित लुम्बिनी प्रदेश नवलपरासी जिल्ला वार्ड नं. ५ पकलिहवा स्थित अनोमा घाट(ठाढी घाट लाई भगवान सिद्धार्थ बुद्धको महाभिनिस्क्रमण स्थललाई अनोमा प्रबज्या स्थल घोषित भएकोमा हार्दिक बधाई तथा सो प्रबज्या स्थललाई बौद्ध धर्मावलम्बिहरुका लागि एक नयाँ पर्यटकिय गनतब्यका रुपमा विकास तथा प्रवद्र्धनका लागि नेपाल पर्यटन बोर्ड सहकार्य गर्न तयार रहेको पनि जानकारी दिदै हार्दिक शुभकामना ब्यतm गरेको कुरा पत्रमा उल्लेख छ ।
बोर्डका कार्यकारी प्रमुख दीपकराज जोशीद्धारा हस्ताक्षरित उतm पत्र सार्वजनिक भए पश्चात सरोकारवाला उत्साही भएको जानकारी गराएका छन् । अनोमाघाट घोषणा गराउनमा प्रयत्नरत रहेको पिस क्लब इन्टरनेसनल नवलपरासीका अध्यक्ष सम्भु उपाध्यायले अहिले पर्यटन बोर्डको उतm घोषणाले जिल्लाबासीलाई उत्साही बनाएको प्रतिकृया दिएका थिए । त्यसका लागि तत्कालिन गाउपालिका अध्यक्ष रामप्रसाद पाण्डे र तत्कालिन प्रमुख प्रशासकिय अधिकृत बुद्ध प्रकाश पौडेलको सक्रियता रहेको थियो । तत्कालिन संघिय सँसदमा राष्ट्रिय सभा सदस्य(साँसद) रामलखन हरिजनले पनि सदनमा कुरा उठाउदै आएका थिए । त्यसलाई तिर्थ स्थल बनाउनमा स्थानिय अशोक मानन्धर समेत निरन्तर लागेर काम गर्दै आएका थिए ।
अनोमाघाट घोषणा पश्चात उतm स्थानमा असार पुर्णिमाको दिन महाभिनिष्क्रमण दिवस मनाउने र कार्तिक पुर्णिमा हजार बत्ति बालेर मनाइदै आएको छ । असार पुर्णिमाकै दिन सिद्धार्थ गौतम गृहत्याग गरि अनोमाघाटमा पुगेर महाभिनिष्क्रमण (प्रबज्या) लिई कपाल मुण्डन गरेर सन्यास धारण गरेर ज्ञानको खोजीमा निस्केका थिए । परापुर्व काल देखी ठाढीघाट मेला तथा कुस्ति प्रतियोगिता हुने सुस्ता ५ स्थित गण्डकी (प्राचिन अनोमा नदी) स्थित बौद्ध तिर्थ स्थलको रुपमा पहिचान बनाउदै आएको अनोमाघाट (ठाढीघाट) मा हजार बत्ति बाल्ने कार्यक्रम गाउपालिकाले गरेको थियो । नेपालको बोधगायको रुपमा संसार भरि चिनाउने उदेश्यले गाउपालिकाद्धारा विभिन्न कार्यक्रम हुदै आएको छ । बोधगयामा सिद्धार्थले ज्ञान प्राप्ती गरे पनि अनोमाघाटबाट ज्ञानको खाजीमा निस्कने पहिलो पाईला भएको हुदा नेपालको बोधगाय भनेर चिनाउनमा स्थानिय पनि लागेका थिए ।
गत असार पुर्णिमामा पनि सिद्धार्थ गौतम गृहत्याग गरि यो अनोमाघाटमा पुगेर कपाल मुण्डन गरि राजसी पोशाक त्याग गरि सन्यास धारण गरेर बोद्धीको खोजीमा लागेको दिन सम्झदै स्थानिय र श्रद्धालुहरुले कपाल मुण्डन गरि असार पुर्णिमा मनाएका थिए । असार पुर्णिमा देखी बुद्धको भिच्छुहरुको बर्षाबास शुरु हुन्छ । त्यो दिन अनोमाघाटमा महाभिनिष्मण दिवस मनाईने चलन छ । दुई बर्ष देखी कातिक पुर्णियमा हजार बत्ति बाल्ने कार्यक्रमले अनोमा घाटलाई थप उचाईमा पुर्याएको उनले विश्वास ब्यतm गरेका थिए । अनोमाघाटमा कम्तीमा पनि असार पुर्णिमा र कातिक पुर्णिमालाई भब्यताका साथ मनाउने कार्यले संसारका बौद्धहरुको आकर्षण बढ्दै गएको छ । सिद्धार्थ गौतम गृह त्याग गरेर ज्ञानको खोजीमा निस्कदा कोलिय राज्यको अन्तिम सिमा अनोमा नदी किनारमा पुगे पछि उनको कन्टक घोडा ठढा भयो,त्यही बेला देखी स्थानिय स्तरमा ठाढीघाटको रुपमा चिनिएको हो ।
