नवलपरासी,८ असार
मदन भण्डारी फाउण्डेसन नवलपरासीले रतmदान कार्यक्रम गरि ७४ औ मदन भण्डारी जयन्ती मनाउने साता ब्यापी कार्यक्रमको शुभारभ्भ गरेको छ । जिल्लाको सुनवल नगरपालिका भुमही बजारमा रतmदान कार्यक्रम गरि साता ब्यापी कार्यक्रमको शुभारम्भ गरिएको हो ।
मदन भण्डारीका विचार प्रवाहसँगै समाजिक र मानविय क्षेत्रमा काम गर्ने योजना अनुरुप साता ब्यापी कार्यक्रमको शुरुवात गरिएको फाउण्डेसनका जिल्ला अध्यक्ष श्याम कुमार बस्याले बताएका थिए । मदन भण्डारीको विचार अहिले पनि नेपाली समाजमा उत्तिकै आवश्यक देखिएको उनको भनाई थियो । स्वर्गिय भण्डारीका विचारसँग प्रेरित सबै नेपालीलाई फाउण्डेसनमा मार्फत जाड्ने,उनको विचार जनस्तरसम्म पुर्याउदै समाजवादको अग्रसर विकास अभियानमा लगाउने अभियान स्वरुप कार्यक्रम गर्न थालिएको उनको भनाई रहेको थियो ।
नेपाल एमालेका तत्कालिन नेता तथा जनताका बहुदलिय जनवाद (जबज) सिद्धान्तका प्रतिपादक मदन भण्डारीको ७४ औ जन्मजयन्तीको अवसरमा जिल्ला भित्र विविध कार्यक्रम गरि भब्यताका साथ मनाइने भएको थियो । मदन भण्डारी फाउण्डेन नवलपरासीको पहिलो बैठकले साता ब्यापी रुपमा कार्यक्रम गरि मनाईने फाउण्डेसनका जिल्ला अध्यक्ष बस्यालले जानकारी गराएका थिए । उनका अनुसार जेठ २९, विहिवार परासीमा मदन भण्डारी फाउण्डेशनको पहिलो बैठक बसेको थियो । असार १४ गते जननेता भण्डारीको जन्मजयन्ती मनाउने भए पनि असार ८ गते देखी नै रतmदान कार्यक्रमबाट साता ब्यापी कार्यक्रमको शुभारम्भ गरने अध्यक्ष बस्यालले बताएका थिए । पुर्व निर्धारित कार्यक्रम अनुसार अहिले कामको शुभारम्भ भएको छ, उनले भने, पहिलो कार्यक्रममै उत्साहजनत सहभागिता रहेको थियो ।
साता ब्यापी कार्यक्रममा असार ९ गते शहिद विष्णु पाण्डे स्मृति पार्क सुनवलमा वृक्षारोपण गरि मनाईने छ । त्यसै गरि असार १० गते सरावलको जनता माविमा वृक्षारोपण कार्यक्रम गरिने छ । असार ११ गते प्रतापपुरमा वृक्षारोपण,१२ गते कविता प्रतियोगिता,१३ गते दृष्वििहिन बालबालिकालाई सहयोग कार्यक्रम गरिने छ । असार १४ गते फाउण्डेसनको बौद्धिक मञ्च मार्फत विचार गोष्ठि तथा जन्मजयन्ती मनाईने कार्यक्रम तय गरिएको अध्यक्ष बस्यालले जानकारी गराएका थिए । त्यसै गरि जन्मजयन्ती पश्चात सातवटै पालिकामा जबजबारे तालिम तथा विचार गोष्ठि,स्वास्थ्य शिविरहरु,वृक्षारोपण लगायतका अभियान मुखी कार्यक्रम मार्फत युवाहरुको विचमा जबजको महत्व र योजना सुनाउने लक्ष्य राखिएको उनको भनाई थियो ।
