नवलपरासी,२९ जेठ
नेपाल एमालेका तत्कालिन नेता तथा जनताका बहुदलिय जनवाद (जबज) सिद्धान्तका प्रतिपादक मदन भण्डारीको ७४ औ जन्मजयन्तीको अवसरमा जिल्ला भित्र विविध कार्यक्रम गरि भब्यताका साथ मनाइने भएको छ । मदन भण्डारी फाउण्डेन नवलपरासीको पहिलो बैठकले साता ब्यापी रुपमा कार्यक्रम गरि मनाईने फाउण्डेसनका जिल्ला अध्यक्ष श्याम कुमार बस्यालले जानकारी गराएका हुन् ।
उनका अनुसार जेठ २९, विहिवार परासीमा बसेको मदन भण्डारी फाउण्डेशनको पहिलो बैठक बसेको थियो । असार १४ गते जननेता भण्डारीको जन्मजयन्ती मनाउने भए पनि असार ८ गते देखी नै रतmदान कार्यक्रमबाट साता ब्यापी कार्यक्रमको शुभारम्भ गरने अध्यक्ष बस्यालले बताए । असार ९ गते शहिद विष्णु पाण्डे स्मृति पार्क सुनवलमा वृक्षारोपण गरि मनाईने छ । त्यसै गरि असार १० गते सरावलको जनता माविमा वृक्षारोपण कार्यक्रम गरिने छ । असार ११ गते प्रतापपुरमा वृक्षारोपण,१२ गते कविता प्रतियोगिता,१३ गते दृष्वििहिन बालबालिकालाई सहयोग कार्यक्रम गरिने छ ।
असार १४ गते फाउण्डेसनको बौद्धिक मञ्च मार्फत विचार गोष्ठि तथा जन्मजयन्ती मनाईने कार्यक्रम तय गरिएको अध्यक्ष बस्यालले जानकारी गराएका थिए । त्यसै गरि जन्मजयन्ती पश्चात सातवटै बालिकामा जबजबारे तालिम तथा विचार गोष्ठि,स्वास्थ्य शिविरहरु,वृक्षारोपण लगायतका अभियान मुखी कार्यक्रम मार्फत युवाहरुको विचमा जबजको महत्व र योजना सुनाउने लक्ष्य राखिएको उनको भनाई थियो । बैठक पुर्व अध्यक्ष थान प्रसाद गैरेको प्रमुख आथित्यतामा भएको थियो ।
