नवलपरासी,२३ जेठ
जिल्ला स्थित पृथ्वीचन्द्रमा झण्डै दुई दुई महिना पछि अध्यक्षको पदभार ग्रहण गरेका अध्यक्षले दुई साता भित्रै आफुले गरेको बाचा अनुसार डायलसिस सेवा शुभारम्भ गराएका छन् । लुम्बिनी प्रदेश सरकारले नयाँ अध्यक्ष जगदिश प्रसाद चौधरीलाई अध्यक्ष छनौट गरि पठाए पछि जेठ १२ गते अध्यक्ष चौधरीले अस्पतालमा पदभार ग्रहण गर्दै एक दुई साता भित्रै शुभारम्भ गर्ने बाचा गरेको र दुई साता भित्र नै हेमोलायलसिस सेवा शुभारम्भ गराएका हुन् ।
दुई दिन देखी अस्पतालको पुरानो भवनमा रहेको आकस्मिक कक्षलाई ब्यवस्थित गरि डायलसिस सेवा शुभारम्भ गरिएको छ । ५ वटा बेड राखेर उतm सेवा सुचारु गरिएको उनले जानकारी गराए । दुई दिन देखी विरामी सम्पर्कमा आउदै सेवा लिन थालेका छन्, चार जना विरामीको सफल डायलसिस भएको छ, उनले डायलसिस सेवा कक्षको अवलोकन गर्दै भने, तत्काल सेवा अस्पतालकै खर्चमा सञ्चालनमा आएको छ । विरामीहरुले अन्य अस्पतालमा सेवा लिदै आएका थिए । तर ति अस्पतालबाट रेकर्ड सारेर आएको छैन् । त्यो भएर सरकारले प्रदान गर्ने डायलसिस सेवा वापतको रकम उपलब्ध गराउदैन् । तर विरामीको माग अनुसार नै सेवा सुचारु गरि सकिएको छ । डायलसिस सेवाले जनशतिmको थप आवश्यकता महशुस हुन थालेको बताउदै उनले सबै डिजिटलाईज हुन थाले पछि अस्पतालमा अब बायोटेक्निसियन कर्मचारीको समेत आवश्यकता देखिएको छ । त्यसका लागि प्रदेश सरकार र संघिय सरकारसँग पनि पहल गर्ने उनले बताए । अन्य सहायक स्तरको स्वास्थ्यकर्मीका लागि स्थानिय सरकारका प्रमुखहरुसँग पनि पहल र छलफल गर्ने उनको भनाई थियो ।
सरकारले डाईलसिस गराउने बिरामीलाई निशुल्क सेवा दिन स्थानिय स्तरमै उपकरण र जनशतिm पठाई सकेको तर उपकरण मेसिन जडान नगरि त्यसै राखिएको अवस्थामा फेला परेको कुरा केही महिना पहिला आएको महालेखा परिक्षकको टोलीले आफ्नो मलेप प्रतिवेदनमै तस्विर सहित नै उल्लेख गरेको थियो । अस्पतालमा झण्डै ४० लाखका उपकरण तथा मेसिनहरु खरिद गरि थन्किएका अवस्थामा छन् । स्वास्थ्यकर्मीहरु पनि तालिम लिई अन्य काम गर्दै बस्ने र तलब खाने कार्य मात्र गर्दै आएका थिए । जिल्लामा दुई दर्जन बढि विरामी नियमित डायलसिस गर्न बुटवल र भैरहवा जानु पर्ने समस्या झेल्दै आएका बिरामीलाई राहत हुने भएको छ ।
अध्यक्षको पदभार ग्रहण पछि सेवा गुणस्तरिय हुने र सुचारु हुन नसकेका सेवा सुचारु हुने विश्वास स्थानियले गरेका छन् । विगतमा पनि उनी २ बर्ष ३ महिना अध्यक्ष पदमा रहेर काम गरेका थिए । अध्यक्ष चौधरीको पहलमा झण्डै १८ करोड बराबरको नयाँ अस्पताल भवनको समेत शिलान्यास भएको थियो । उतm भवन निर्माण सम्पन्न भई अस्पतालका काम सञ्चालन हुदै आएको भए पनि सो भवनको उदघाटन भने हुन सकेको छैन् । अहिले आफ्नै नेतृत्वमा शिलान्यास गराएको नयाँ अस्पताल भवनको उदघाटन पनि गराउने अध्यक्ष चौधरीले जानकारी गराएका थिए । त्सको साथ साथै आन्तरिक ब्यवस्थापनमा समस्या ब्यवस्थापन गर्दै अगाडी बढने उनको भनाई थियो ।
। त्यसका लागि नागरिक अगुवा तथा राजनीतिक दलको साथ सहयोगको आपेक्षा समेत राखेका थिए । अस्पतालका कर्मचारी,चिकित्सक तथा स्वास्थ्यकर्मीलाई चुष्तदुरुष्त बनाउदै अस्पतालको सेवा प्रवाहलाई प्रभावकारी बनाउनमा मिलेर अगाडी बढने समेत उनले सुनाएका थिए । अझ पनि अस्पतालमा आँखा उपचारका लागि नेत्र रोग विशेषज्ञ सिमा भण्डारी र नेत्र सहायक समेत अस्पतालमा भए पनि उचित उपकरण अभावले आँखाको अप्रेसन हुन सकेको छैन । आँखाका लागि विशेषज्ञले समान्य आँखा परिक्षण गर्ने कार्य मात्रै भई रहेको छ ।
ब्यवस्थापकिय अभावले सर्जिकल सेवा हुन सकेको छैन् । त्यसै गरि सघन उपचार कक्ष(आईसियु) को ब्यवस्थापन पनि कमजोर हुदा सो सेवा प्रभावकारी हुन सकिरहेको छैन् । अस्पतालमा डेढ महिना देखी रेडियो लोजिस्ट डाक्टर हाजिर भएर सेवा दिदा विरामीको आकर्षण बढेसँगै अहिले अस्पतालमा आँखा परिक्षणका लागि विभाग खडा गर्ने जानकारी गराइएको थियो । ५० सैया अस्पतालमा बहिरँग विभाग अन्तरगत नै आँखा परिक्षणका सेवा समेत सञ्चालन गर्नु पर्ने मान्यता अनुसार अस्पतालले सो आँखा परिक्षणका लािग विभाग बनाउने योजना ल्याएको थियो ।
अस्पतालमा नियमित उपचार गराउने मधुमेह तथा रतmचाप लगायतका िविरामीलाई औषधी चलाउदा आँखामा समेत असर पर्ने हुदा त्यसको समेत नियमित परिक्षण गर्नु पर्ने भएकोले अस्पतालले आँखा परिक्षणको सेवा थप गर्न लागेको अस्पताल ब्यवस्थापनले जानकारी गराएको हो । सर्जरीका लागि पनि अस्पतालले बेहोस बनाउने जनशतिm पनि राखि सकेको हुदा अस्पतालको सेवाको गुणस्तरियतामा अब प्रश्न उठ्ने कुरा नहुने विश्वास गरिएको उनको भनाई थियो । पहिला विभिन्न विषयका विशेषज्ञ चिकित्सक सेवा दिदै आएको अस्पतालमा रेडियोलोजिष्ट नहुदा भिडियो एक्सरे गर्ने र विश्लेषण गरि रिपोर्ट दिने अवस्था नहुदा उपचारमा केही समस्या भए पपिछ अहिले अस्पतालमा रेडियोलोजिष्टको उपस्थितीले सेवासँगै गुणस्तरिय सेवा विरामीले पाउन थालेको अस्पतालले जनाएको छ ।
