नवलपरासी,२१ जेठ
जिल्लाको पाल्हीनन्दन गाउपालिकामा कुष्टरोगी पत्ता लगाउन कुष्टरोग खोजपडताल कार्यक्रम थालिएको छ । ल्याप्रोसी मिसन नेपाल नामक सस्थाको सहकार्यमा उतm खोजपडताल कार्यक्रम गर्न थालिएको हो ।
दुई वटा वर्डामा कार्यक्रम गरिने भए पनि पहलिो चरणमा गाउपालिकाको वार्ड नं.५ गेर्मि (साविक गेर्मी गाविस) क्षेत्रमा खोजपडताल गर्दा ८ जना कुष्टरोगी फेला परेका थिए । ग्रामिण क्षेत्रमा अहिले पनि कुष्टरोगीहरुको संख्या रहेको तर स्वास्थ्यकर्मीको सम्पर्कमा आएर औषधी उपचार गर्ने कार्य नगरिदा कुष्टरोग अन्यत्र सर्न सक्ने खत्तरा रहेकोले खोजपडताल गर्न परेको गाउपालिकाको स्वास्थ्य शाखा प्रमुख हरिशंकर गुप्ताले बताएका थिए । यस्मा महिला स्वास्थ्य स्वम्सेविका,पाल्हीनन्दन आधारभुत अस्पताल तथा विभिन्न स्वास्थ्यचौकीका स्वास्थ्यकर्मीहरुको समेत सहभागिता रहेको थियो ।
राष्ट्रिय मापदण्ड अनुसार प्रति १० हजार जनसँख्यामा १ जना कुष्टरोगी भेटिनु पर्नेमा पाल्ही नन्दनको उतm वार्डमा सो मापदण्ड भन्दा बढि सँख्या रहेको भेर्टिको ल्याप्रोसी मिसन नेपालका डा.प्रविन ज्ञवालीले जानकारी गराएका थिए । कुल ९ सय ८५ घरधुरीमा बसोबास गर्ने ६ हजार २ सय १३ जनसंख्यामा ५ हजार ५ सय ४० जनालाई सर्वेक्षण गर्दै खोजपडताल गरिएको थियो । खोजपडतालको क्रममा १ सय ६० जनामा छालासम्बन्धि रोग रहेको समेत भेटिएको ल्याप्रोसी मिसन नेपालका तथ्याँक अधिकृत सरोज बेल्वासेले बताएका थिए ।
नवलपरासी,रुपन्देही र कपिलबस्तु तिन जिल्लालाई कार्यक्षेत्र बनाई काम गरिदै आएको सो संस्थाले नवलपरासीको रामग्राम,वर्दघाट,प्रतापपुर र पाल्हीनन्दन गाउपालिकामा कार्यक्रम नै गरेर काम गर्दै आएको जानकारी गराइएको थियो । खोजपडताल ति गाउपालिकामा गरिए पनि उपचारका कार्य भन्ने तिनवटै जिल्लाका जुनसुकै गाउपालिका र नगरपालिकाका कुष्टरोगीलाई गरिने बताइएको थियो । राष्ट्रिय मापदण्ड भन्दा बढि कुष्टरोगी भेटिनु जनस्वास्थ्यका लागि चुनौती भएको उतm वार्डका वार्ड अध्यक्ष दयाशंकर त्रिपाठीले बताएका थिए । यसका लागि गाउपालिकाले कार्यक्रम बनाई कुष्टरोगीलाई औषधी सेवन प्रति प्रोत्साहित गरिनुका साथै औषधी सेवन गर्न नचाहनेको सेवा सुविधा समेत रोकिने चेतावनी समेत दिएका थिए ।
